نائب وزیراعظم و وزیر خارجہ سینیٹر اسحاق ڈار سے چین کے سفیر جیانگ زیڈونگ کی اہم ملاقات، چینی سفیر کی جانب سے امریکا اور ایران کے درمیان براہِ راست مذاکرات میں پاکستان کے ثالثی کردار کی بھرپور ستائش کی گئی۔
یہ بھی پڑھیں: اسحاق ڈار کا ترک وزیر خارجہ ہاقان فیدان سے رابطہ، ترکیہ کی جانب سے پاکستان کی ثالثی کوششوں کی پزیرائی
ترجمان وزارت خارجہ کے مطابق نائب وزیراعظم و وزیر خارجہ سینیٹر اسحاق ڈار نے آج چینی سفیر جیانگ زیڈونگ کا استقبال کیا جس میں اسلام آباد مذاکرات کے بعد کی صورتحال اور حالیہ پیشرفت پر تفصیلی تبادلہ خیال کیا گیا۔
ملاقات کے دوران اسحاق ڈار نے علاقائی و عالمی امن کے لیے مذاکرات اور سفارت کاری کی حمایت جاری رکھنے کے پاکستان کے پختہ عزم کا اعادہ کیا۔
یہ بھی پڑھیں: عرب میڈیا سے تعلق رکھنے والی صحافی پاکستانیوں سے متاثر، امریکا ایران مذاکرات میں پاکستان کی ثالثی اہم قرار دیدی
چینی سفیر نے امریکہ اور ایران کے درمیان براہِ راست بات چیت کی سہولت کاری میں پاکستان کے کلیدی اور تعمیری کردار کو سراہتے ہوئے اسے خطے کے استحکام کے لیے اہم قرار دیا۔
ملاقات کے اختتام پر دونوں ممالک نے پاک چین ہمہ جہتی تزویراتی تعاون پر مبنی شراکت داری کو مزید مضبوط بنانے کے عزم کو دہرایا۔
