نائب وزیراعظم، وزیر خارجہ سینیٹر محمد اسحاق ڈار نے ترکیہ کے وزیر خارجہ ہاقان فیدان سے ٹیلیفونک رابطہ کیا۔ گفتگو کے دوران ‘اسلام آباد مذاکرات’ میں ہونے والی پیش رفت اور علاقائی امن و امان کی صورتحال پر تفصیلی تبادلہ خیال کیا گیا۔
یہ بھی پڑھیں: نائب وزیراعظم اسحاق ڈار کا مصری وزیر خارجہ سے رابطہ، خطے میں جنگ بندی پر عملدرآمد کی ضرورت پر زور
ترجمان دفترِ خارجہ کے مطابق اسحاق ڈار نے ترک ہم منصب کو ایران اور امریکا کے درمیان جاری مذاکرات کے حوالے سے اعتماد میں لیا اور اس بات پر زور دیا کہ خطے میں پائیدار امن کے لیے تمام فریقین کا جنگ بندی کے وعدوں پر سختی سے عمل پیرا ہونا ناگزیر ہے۔
ترک وزیر خارجہ ہاکان فیدان نے ایران اور امریکا کے درمیان ڈائیلاگ کی سہولت کاری میں پاکستان کے کلیدی اور تعمیری کردار کی بھرپور پزیرائی کی۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke this evening with the Foreign Minister of Türkiye, Hakan Fidan@HakanFidan.
DPM/FM shared developments regarding the ‘Islamabad Talks’ and stressed the importance of all parties adhering to… pic.twitter.com/XEkxaSdYU8
— Ministry of Foreign Affairs – Pakistan (@ForeignOfficePk) April 12, 2026
دونوں وزرائے خارجہ نے اس عزم کا اعادہ کیا کہ وہ خطے اور عالمی سطح پر امن و استحکام کے فروغ کے لیے تمام سفارتی کوششوں اور مذاکراتی عمل کی حمایت جاری رکھیں گے۔ اس موقع پر ترک وزیر خارجہ نے سینیٹر اسحاق ڈار کو رواں ماہ کے آخر میں منعقد ہونے والے ‘انطالیہ ڈپلومیسی فورم‘ میں شرکت کی باقاعدہ دعوت بھی دی۔
یہ بھی پڑھیں: اسحاق ڈار کا سعودی وزیر خارجہ شہزادہ فیصل بن فرحان سے ٹیلیفونک رابطہ، اسلام آباد مذاکرات پر تبادلہ خیال
واضح رہے کہ اسلام آباد ان دنوں عالمی سفارتکاری کا مرکز بنا ہوا ہے جہاں پاکستان کی ثالثی میں ایران اور امریکا کے درمیان تنازعات کے حل کے لیے اہم پیشرفت جاری ہے۔
