اسلام آباد میں پاکستان، سعودی عرب، ترکیہ اور مصر کے سینیئر حکام کا اہم اجلاس منعقد ہوا جس میں باہمی تعاون اور آئندہ وزرائے خارجہ اجلاس کی تیاریوں پر غور کیا گیا۔
ترجمان دفتر خارجہ کے مطابق منگل منعقدہ اس اجلاس میں چاروں برادر ممالک کے وزارتِ خارجہ کے اعلیٰ حکام نے شرکت کی۔
یہ بھی پڑھیں: پاکستان، سعودی عرب، ترکیہ اور مصر کے درمیان مشترکہ تعاون بڑھانے پر اتفاق
مذکورہ اجلاس 29 مارچ 2026 کو ہونے والے وزرائے خارجہ کے مشاورتی اجلاس کے تسلسل میں منعقد کیا گیا۔
FM Ishaq Dar met with Musa Kulaklikaya, Deputy FM of Turkiye; Ambassador Nazih El Naggari, Assistant FM of Egypt; Prince Abdullah bin Khalid DG MFA KSA.
Senior diplomats from 3 countries are in Pakistan for the inaugural Senior Officials’ Meeting of 4 Countries.@IslamabadTalks— Muhammad Aslam ਮੁਹੰਮਦ ਅਸਲਮ (@adogar_aslam) April 14, 2026
پاکستانی وفد کی قیادت ایڈیشنل سیکریٹری خارجہ و ترجمان دفتر خارجہ سفیر طاہر اندرابی نے کی، جبکہ ترکیہ، مصر اور سعودی عرب کے وفود کی سربراہی بالترتیب نائب وزیر خارجہ سفیر موسیٰ کولاکلی قایا، نائب وزیر خارجہ سفیر نذیہ النجاری اور سعودی وزارت خارجہ کے ڈائریکٹر جنرل شہزادہ ڈاکٹر عبداللہ بن خالد بن سعود الکبیر السعود نے کی۔
مزید پڑھیں: دفتر خارجہ کی ارومچی میں پاک افغان ورکنگ لیول مذاکرات کی تصدیق
اجلاس میں ہونے والی مشاورت کو 17 اپریل کو ترکیہ کے شہر انطالیہ میں منعقد ہونے والے وزرائے خارجہ کے آئندہ اجلاس میں پیش کیا جائے گا، جو انطالیہ ڈپلومیسی فورم کے موقع پر منعقد ہوگا۔
اجلاس کے دوران سینیئر حکام نے نائب وزیراعظم و وزیر خارجہ سینیٹراسحاق ڈار اور سیکریٹری خارجہ آمنہ بلوچ سے بھی ملاقات کی اور اہم امور پر تبادلہ خیال کیا۔
