نائب وزیراعظم و وزیر خارجہ سینیٹر محمد اسحاق ڈار نے وزارتِ خارجہ میں ایک اہم اجلاس کی صدارت کی جس میں علاقائی صورتحال اور حالیہ سفارتی پیش رفت کا تفصیلی جائزہ لیا گیا۔
یہ بھی پڑھیں:اسحاق ڈار اور ترک وزیر خارجہ کا رابطہ، علاقائی صورتحال پر تبادلہ خیال
ترجمان دفترِ خارجہ کے مطابق اجلاس میں سیکرٹری خارجہ سفیر آمنہ بلوچ سمیت وزارتِ خارجہ کے سینئر افسران نے شرکت کی۔ اجلاس کے دوران خطے کی بدلتی ہوئی صورتحال اور مختلف سفارتی امور پر بریفنگ دی گئی اور آئندہ کی حکمتِ عملی پر غور کیا گیا۔
نائب وزیراعظم و وزیر خارجہ اسحاق ڈار نے جاری سفارتی کوششوں کو سراہتے ہوئے کہا کہ پاکستان کو اہم خارجہ پالیسی امور پر فعال اور پیشگی سفارتی رابطے جاری رکھنے چاہئیں تاکہ قومی مفادات کا بہتر تحفظ یقینی بنایا جا سکے۔
