پاکستان سپر لیگ (پی ایس ایل) کے گیارہویں ایڈیشن میں آج کے دن کو بریسٹ کینسر سے متعلق شعور اجاگر کرنے کے لیے پنک ڈے کے طور پر منایا جارہا ہے۔
اس سلسلے میں نیشنل بینک اسٹیڈیم کراچی میں کھیلے جانے والے ڈبل ہیڈر کے دوران خصوصی سرگرمیاں ترتیب دی گئی ہیں۔
National Bank Stadium to go pink today to raise awareness for breast cancer.
The official hashtag for the Breast Cancer Awareness day in HBL PSL 11 is #GoPink ; Fans are encouraged to share their messages at 8 PM tonight on social media platforms using this hashtag.#PinkRibbon… pic.twitter.com/wPkgQnpTQj
— PakistanSuperLeague (@thePSLt20) April 16, 2026
پہلے میچ میں حیدرآباد کنگز مین کا سامنا راولپنڈیز سے، جبکہ دوسرے میچ میں کراچی کنگز اور اسلام آباد یونائیٹڈ آمنے سامنے آئیں گے۔
آگاہی مہم کے تحت تمام کھلاڑی اور میچ آفیشلز پنک کیپس اور ربنز پہنیں گے، جبکہ اسٹیڈیم کا ماحول بھی اس مناسبت سے تیار کیا گیا ہے۔
میچز میں استعمال ہونے والے اسٹمپس اور گرافکس کو بھی پنک رنگ میں ڈھالا گیا ہے تاکہ پیغام زیادہ مؤثر انداز میں پہنچایا جا سکے۔
اس موقع پر پاکستان ویمنز ٹیم کی کپتان فاطمہ ثنا کے ساتھ کھلاڑی سیدہ عروب شاہ، رامین شمیم اور منیبہ علی کو بھی اسٹیڈیم مدعو کیا گیا ہے۔
یہ کھلاڑی میچ سے قبل چاروں ٹیموں کے ساتھ وارم اپ سیشنز میں شرکت کریں گی اور مہم کا حصہ بنیں گی۔
یاد رہے کہ پاکستان میں بریسٹ کینسر کی شرح تشویشناک حد تک زیادہ ہے، اور اس مہم کا مقصد عوام میں بروقت تشخیص اور اس بیماری کا حوصلے سے مقابلہ کرنے کا شعور بیدار کرنا ہے۔
