نامناسب اور ذاتی سوالات پر اداکارہ میرا ارشاد بھٹی کا پوڈکاسٹ چھوڑ کر چلی گئیں

میرا نے صحافی و میزبان ارشاد بھٹی کے پوڈکاسٹ میں نامناسب سوالات کیے جانے پر انٹرویو ادھورا چھوڑ کر چکی گئیں۔

اداکارہ میرا اپنی آنے والی فلم ’سائیکو‘ کی تشہیر کے سلسلے میں پوڈکاسٹ میں شریک ہوئیں تاہم جاری کیے گئے ٹریلر میں دیکھا جا سکتا ہے کہ میزبان کی جانب سے کیے گئے بیشتر سوالات اداکارہ کی ذاتی زندگی اور ماضی میں وائرل ہونے والی ویڈیوز سے متعلق تھے۔

یہ بھی پڑھیں: پہلی بیوی کے انتقال کے بعد دوسری لڑکی سے محبت کیسے ہوئی؟ صحافی ارشاد بھٹی نے بتادیا

دورانِ گفتگو میرا نے متعدد بار میزبان کو فلم کی پروموشن تک گفتگو محدود رکھنے کی درخواست کی لیکن سوالات کا رخ مسلسل ان کی نجی زندگی کی جانب ہی رہا۔ ٹریلر کے اختتام پر اداکارہ کو مسکراتے ہوئے میزبان کا شکریہ ادا کرتے اور انٹرویو ادھورا چھوڑ کر رخصت ہوتے دیکھا جا سکتا ہے۔

انتہائی شرمناک، یہ تو میرا کا ظرف تھا کہ صرف انٹرویو چھوڑ کر گئیں، میں سمجھا شاید ہاتھ اٹھائیں گی، بھٹی صاحب سے ایسی بیہودگی کی امید ہرگز نہیں تھی۔۔!! pic.twitter.com/NpLPKWgDtm

— Khurram Iqbal (@khurram143) April 19, 2026

سوشل میڈیا پر اس ٹریلر کے منظرعام پر آنے کے بعد صارفین کی جانب سے ملے جلے ردعمل کا اظہار کیا جا رہا ہے۔ متعدد افراد نے میزبان کے سوالات کو غیر مناسب قرار دیا۔ سائرہ بانون نے ارشاد بھٹی کو مخاطب کرتے ہوئے لکھا کہ تھوڑی اخلاقیات کا مظاہرہ ہی کر لیتے میرا صاحبہ بہت آرام سے چلی گئیں۔ دو ہاتھ لگا کر اٹھتیں تو اچھا ہوتا۔

تھوڑی اخلاقیات کا مظاہرہ ہی کر لیتے
میرا صاحبہ بہت آرام سے چلی گئیں دو ہاتھ لگا کر اٹھتیں تو اچھا ہوتا pic.twitter.com/pllEqL6a47

— Saira Bano (@Saira_Banokhan) April 19, 2026

مبشر زیدی نے کہا کہ جیو کے پروگرام رپورٹ کارڈ کے شرکاء کو ارشاد بھٹی کا بائیکاٹ کرنا چاہئے اور جیو کی انتظامیہ کو بھی ایکشن لینا چاہئے۔

جیو کے پروگرام رپورٹ کارڈ کے شرکاء کو ارشاد بھٹی کا بائیکاٹ کرنا چاہئے جیو کی انتظامیہ کو بھی ایکشن لینا چاہئے

— Mubashir Zaidi (@xadeejourno) April 19, 2026

صحافی کرن ناز نے کہا کہ بھانڈ صرف بھانڈ ہوتا ہے۔ مختلف پروگرامز میں خواتین کو اپنی فضول مسخری اور ذاتی جملوں سے تنگ کرتا رہا، شکر ہے آج پکڑا گیا۔

بھانڈ صرف بھانڈ ہوتا ہے۔ مختلف پروگرامز میں خواتین کو اپنی فضول مسخری اور ذاتی جملوں سے تنگ کرتا رہا، شکر ہے آج پکڑا گیا

— Kiran Naz (@kirannaz_KN) April 20, 2026

شمع جونیجو نے لکھا کہ ارشاد بھٹی نے جو میرا کے ساتھ اس انٹرویو میں کیا ہے اُسے ہراسمنٹ کہتے ہیں۔ یہ واقعی میرا کا ظرف ہے کہ بڑے اخلاق سے وہ صرف اپنی فلم ’سائیکو‘ ہی کا کہتی رہی اور شرافت سے انٹرویو چھوڑ کے چلی گئی۔ اسے جواد احمد کی طرح اس کی چھترول کرنی چاہئیے تھی۔

ارشاد بھٹی نے جو میرا کے ساتھ اس انٹرویو میں کیا ہے اُسے ہراسمنٹ کہتے ہیں۔ یہ واقعی میرا کا ظرف ہے کہ بڑے اخلاق سے وہ صرف اپنی فلم #Psycho ہی کا کہتی رہی اور شرافت سے انٹرویو چھوڑ کے چلی گئی۔
اُسے جواد احمد کی طرح اس کی چھترول کرنی چاہئیے تھی pic.twitter.com/V9ASj2mLd7

— Dr Shama Junejo (@ShamaJunejo) April 19, 2026

صبیح کاظمی نے لکھا کہ ارشاد بھٹی صاحب اس پاڈکاسٹ کو ڈیلیٹ کردیں۔