آسٹریلوی وزیرِخارجہ پینی وونگ نے ایران اور امریکا کے درمیان مذاکرات میں سہولت کاری کے حوالے سے پاکستان کے مثبت کردار کو سراہا ہے۔
ترجمان دفترِخارجہ کے مطابق نائب وزیرِاعظم و وزیرِخارجہ سینیٹر اسحاق ڈار نے آسٹریلوی وزیرِخارجہ سے ٹیلیفونک رابطہ کیا۔
یہ بھی پڑھیں: ’ ایرانی بندرگاہوں کی ناکہ بندی مذاکرات کی راہ میں بڑی رکاوٹ ‘فیلڈ مارشل کی ٹرمپ کو فون کال
آسٹریلوی وزیرِخارجہ نے وزیر خارجہ اسحاق ڈار کی سفارتی کوششوں سمیت مذاکرات میں سہولت کاری کے ضمن میں پاکستان کے مثبت کردار کو سراہا۔
Deputy Prime Minister /Foreign Minister, Senator Mohammad Ishaq Dar @MIshaqDar50, held a telephone conversation with Foreign Minister of Australia Penny Wong @SenatorWong.
FM Wong expressed her appreciation for the DPM/FM’s efforts, as well as Pakistan’s constructive role in… pic.twitter.com/pFNZyz6LNm
— Ministry of Foreign Affairs – Pakistan (@ForeignOfficePk) April 20, 2026
پینی وونگ نے اس ضمن میں سفارتی روابط کے فروغ کے لیے پاکستان کے مسلسل عزم کی تعریف بھی کی۔
مزید پڑھیں: اسلام آباد مذاکرات کا دوسرا دور، وزیر داخلہ محسن نقوی کی امریکی اور ایرانی سفیروں سے ملاقاتیں
اس موقع پر اسحاق ڈار نے گزشتہ ہفتے منعقدہ اسلام آباد مذاکرات سے آگاہ کرتے ہوئے بتایا کہ پاکستان مکالمے اور تعمیری روابط کے فروغ کے لیے اپنا کردار جاری رکھے گا۔
دونوں رہنماؤں نے عالمی معیشت، خصوصاً ترقی پذیر ممالک پر پڑنے والے وسیع اثرات پر تشویش کا اظہار کیا اور تنازعات کے پرامن حل کی اہمیت پر زور دیا۔
