پاکستان سپر لیگ (پی ایس ایل) 2026 کے 30ویں میچ میں لاہور قلندرز نے کوئٹہ گلیڈی ایٹرز کو 9 رنز سے شکست دے دی۔
یہ بھی پڑھیں: معاہدے کی خلاف ورزی: سری لنکن کرکٹر داسن شناکا پی ایس ایل 12 کے لیے نااہل قرار
قذافی اسٹیڈیم لاہور میں کھیلے گئے میچ میں لاہور قلندرز نے پہلے بیٹنگ کرتے ہوئے کوئٹہ گلیڈی ایٹرز کو جیت کے لیے 198 رنز کا ہدف دیا تھا۔
لاہور قلندرز نے ٹاس جیت کر پہلے بیٹنگ کا فیصلہ کیا اور وہ فیصلہ بیحد مناسب بھی ثابت ہوا۔ کپتان شاہین آفریدی نے اپنی مضبوط بیٹنگ لائن پر اعتماد کا اظہار کیا تھا اور ٹیم نے آغاز سے ہی بڑے اسکور کی بنیاد رکھنے کی کوشش کی۔
لاہور کی جانب سے فخر زمان نے شاندار بیٹنگ کا مظاہرہ کرتے ہوئے صرف 51 گیندوں پر 123 رنز کی دھواں دار اننگز کھیلی جس میں متعدد چھکے اور چوکے شامل تھے۔ ان کی جارحانہ بیٹنگ نے ٹیم کو مضبوط پوزیشن میں پہنچایا۔
مزید پڑھیے: بابر اعظم نے پی ایس ایل میں تاریخی سنگ میل عبور کر لیا
دیگر کھلاڑیوں میں چارتھ آسلانکا نے 31 جبکہ ڈینیئل سیمز نے 18 رنز بنائے۔ لاہور قلندرز نے مقررہ 20 اوورز میں 6 وکٹوں کے نقصان پر 197 رنز اسکور کیے۔
کوئٹہ گلیڈی ایٹرز کی جانب سے خلیل احمد نمایاں بولر رہے جنہوں نے 2 وکٹیں حاصل کیں۔
لاہور قلندرز کے ہدف کے تعاقب میں کوئٹہ گلیڈی ایٹرز مقررہ 20 اوورز میں 7 وکٹوں کے نقصان پر 188 رنز بناسکی اور اس طرح اس کو 9 رنز سے شکست کا سامنا کرنا پڑا۔
مزید پڑھیں: پی ایس ایل 11: ’جائیں گھوم پِھر آئیں‘، ملتان سلطان نے کھلاڑیوں کو چھٹی دے دی
ریلی روسو 62 اور شامل حسین 53 رنز کے ساتھ نمایاں رہے۔ لاہور قلندرز کی جانب سے حارث رؤف نے 2 جبکہ سکندر رضا اور اوسامہ میر نے ایک ایک کھلاڑی آؤٹ کیا۔
