پاکستان نے امریکا اور ایران کے درمیان جاری کشیدگی کم کرنے اور خطے میں پائیدار امن کے قیام کے لیے اپنی سفارتی کوششیں تیز کردی ہیں، وزیرخارجہ اسحاق ڈار نے امریکا ایران جنگ بندی میں توسیع کی اپیل کی ہے۔
نائب وزیراعظم اور وزیر خارجہ اسحاق ڈار نے امریکی ناظم الامور نیتالی اے بیکر سے ملاقات میں زور دیا ہے کہ مذاکرات اور سفارتکاری ہی چیلنجز سے نمٹنے کا واحد راستہ ہیں، لہٰذا دونوں فریقین بدھ کو ختم ہونے والی جنگ بندی میں توسیع پر غور کریں۔
یہ بھی پڑھیں: وزیرخارجہ اسحاق ڈار کی چینی سفیر سے ملاقات، خطے کی تازہ صورتحال پر تبادلہ خیال
دفترِ خارجہ کے ترجمان کے مطابق اس اہم ملاقات میں خطے کی حالیہ صورتحال اور اسلام آباد میں ہونے والے پاک-امریکا ایران مذاکرات کے حوالے سے تبادلہ خیال کیا گیا۔
U.S. Chargé d’Affaires Natalie A. Baker called on Deputy Prime Minister/Foreign Minister Senator Mohammad Ishaq Dar @MIshaqDar50 today. Discussions covered recent regional developments.
DPM/FM underscored Pakistan’s consistent emphasis on dialogue and diplomacy as the only… pic.twitter.com/1Roqj3R1gE
— Ministry of Foreign Affairs – Pakistan (@ForeignOfficePk) April 21, 2026
اسحاق ڈار نے امریکی عہدیدار پر واضح کیا کہ پاکستان خطے میں استحکام کا خواہاں ہے اور امریکا و ایران کو چاہیے کہ وہ سفارت کاری کو ایک اور موقع دیں تاکہ جنگ کے بادل چھٹ سکیں۔
امریکی ناظم الامور نے علاقائی امن کے فروغ اور فریقین کے درمیان بات چیت کی سہولتکاری کے لیے پاکستان کے مثبت اور تعمیری کردار کی تعریف کی۔
یہ بھی پڑھیں: وزیرخارجہ اسحاق ڈار کا مصری ہم منصب سے ٹیلی فونک رابطہ، امن و استحکام کے لیے مکالمے پر زور
یہ ملاقات ایک ایسے وقت میں ہوئی ہے جب امریکی صدر ڈونلڈ ٹرمپ نے جنگ بندی میں توسیع نہ کرنے اور دوبارہ فوجی کارروائی شروع کرنے کی دھمکی دی ہے۔
دوسری جانب پاکستان کی کوششوں سے اسلام آباد میں امن مذاکرات کا دوسرا دور متوقع ہے جس میں امریکی نائب صدر جے ڈی ونس اور ایرانی اسپیکر محمد باقر قالیباف کی شرکت کی خبریں گردش کررہی ہیں۔
