امریکی محکمہ تجارت کے مطابق مارچ 2026 میں ریٹیل سیلز میں 1.7 فیصد اضافہ ریکارڈ کیا گیا، جو 3 برس میں سب سے زیادہ ماہانہ اضافہ ہے۔ اس اضافے کی بڑی وجہ ایران کے ساتھ جاری کشیدگی کے باعث پیٹرول کی قیمتوں میں اضافہ قرار دیا گیا ہے۔
مزید پڑھیں:کبھی ہاں کبھی ناں: ایران امریکا مذاکرات کی کہانی
رپورٹ کے مطابق پیٹرول پمپس کی فروخت میں 15.5 فیصد اضافہ ہوا، جبکہ اگر اس شعبے کو نکال دیا جائے تو مجموعی ریٹیل سیلز میں اضافہ 0.6 فیصد رہا۔ ماہرین کے مطابق آبنائے ہرمز کی بندش نے عالمی سطح پر تیل اور پیٹرول کی قیمتوں کو متاثر کیا۔
Americans spent 15.5% more at gas stations in March as fuel prices surged amid the Iran war, while overall retail sales rose 1.7%, topping estimates.pic.twitter.com/T7oLlS5jqF
— Breaking911 (@Breaking911) April 21, 2026
ویلز فارگو انویسٹمنٹ انسٹی ٹیوٹ کے ماہر گیری شلوسبرگ کا کہنا ہے کہ ٹیکس ریفنڈز میں اضافے نے وقتی طور پر صارفین کے بجٹ پر دباؤ کو کم کیا ہے۔ تاہم ماہرین نے خبردار کیا ہے کہ اگر توانائی کی قیمتیں طویل عرصے تک بلند رہیں تو صارفین اور معیشت کو مشکلات کا سامنا ہو سکتا ہے۔
