صدر مملکت آصف علی زرداری کی صحت سے متعلق سوشل میڈیا پر گردش کرنے والی خبروں کو بے بنیاد، من گھڑت اور گمراہ کن قرار دیتے ہوئے ان کی سختی سے تردید کر دی گئی ہے، جبکہ ایسی جھوٹی معلومات پھیلانے والوں کے خلاف قانونی کارروائی بھی شروع کر دی گئی ہے۔
مزید پڑھیں: ماحولیاتی تحفظ قومی ذمہ داری قرار، صدر مملکت آصف علی زرداری کا یومِ ارض پر پیغام
ایوانِ صدر کے ترجمان نے واضح کیا کہ صدر آصف علی زرداری بالکل خیریت سے ہیں اور ان کی صحت کے حوالے سے پھیلائی جانے والی خبریں سراسر جھوٹ پر مبنی ہیں۔ انہوں نے عوام سے اپیل کی کہ غیر مصدقہ اطلاعات پر یقین نہ کیا جائے۔
🚨 Breaking
Reports claim that Pakistan’s President, Asif Ali Zardari, has been diagnosed with AIDS, and his health condition is described as critical.
According to sources, the military is attempting to pressure him into resigning and removing him from office. pic.twitter.com/OxNHozUsCT— Islamabad Post (@ISBPost) April 19, 2026
دوسری جانب سلیم مانڈوی والا نے بھی سوشل میڈیا پر زیر گردش خبروں کی تردید کرتے ہوئے کہا کہ صدر مملکت کے بارے میں چلنے والی خبریں بے بنیاد اور سیاسی مقاصد کے تحت پھیلائی جا رہی ہیں۔ ان کا کہنا تھا کہ فیک نیوز کا پھیلاؤ قابلِ مذمت ہے اور اس سے گریز کیا جانا چاہیے۔
انہوں نے کہا کہ قوم سوشل میڈیا پر پھیلائی جانے والی غیر تصدیق شدہ خبروں پر کان نہ دھرے، جبکہ متعلقہ اداروں سے مطالبہ کیا کہ جھوٹی خبریں پھیلانے والوں کے خلاف سخت کارروائی عمل میں لائی جائے۔
مزید پڑھیں: صدر مملکت آصف علی زرداری اعلیٰ سطحی وفد کے ہمراہ متحدہ عرب امارات کا سرکاری دورہ کریں گے
حکام کے مطابق سوشل میڈیا پر افواہیں پھیلانے والے عناصر کے خلاف قانونی کارروائی جاری ہے اور ایسے اقدامات کو روکنے کے لیے مزید سختی کی جائے گی۔
