پاکستان نے ایک اہم سنگ میل عبور کرتے ہوئے نئی تجارتی راہداری کا آغاز کر دیا ہے جو افغانستان کے راستے سے گریز کرتا ہے اس طرح اس متبادل روٹ سے کرغزستان سے آنے والا پہلا ٹرک سوست ڈرائی پورٹ پہنچ گیا۔
یہ بھی پڑھیں: پاکستان اور کرغزستان نے تجارتی حجم 20 کروڑ ڈالر تک بڑھانے پر اتفاق کیا ہے، وزیراعظم شہباز شریف
وفاقی مشیر برائے خزانہ خرم شہزاد کی جانب سے ایکس پر شیئر کیے گئے بیان کے مطابق اس پیشرفت کے ساتھ ایک ایسا نیا تجارتی راستہ قائم ہوا ہے جو افغانستان کو بائی پاس کرتا ہے۔
𝗣𝗮𝗸𝗶𝘀𝘁𝗮𝗻 𝗢𝗽𝗲𝗻𝘀 𝗡𝗲𝘄 𝗧𝗿𝗮𝗱𝗲 𝗖𝗼𝗿𝗿𝗶𝗱𝗼𝗿 𝗮𝘀 𝗙𝗶𝗿𝘀𝘁 𝗞𝘆𝗿𝗴𝘆𝘇𝘀𝘁𝗮𝗻 𝗧𝗿𝘂𝗰𝗸 𝗥𝗲𝗮𝗰𝗵𝗲𝘀 𝗦𝗼𝘀𝘁
Sost, Pakistan – 23 April 2026
Pakistan has marked a major milestone as the first truck from Kyrgyzstan arrived at Sost Dry Port, establishing… pic.twitter.com/1wEjUcSISq
— Khurram Schehzad (@kschehzad) April 23, 2026
یہ تاریخی پیشرفت جو کہ دولت مشترکہ آزاد ریاستوں کے کسی ملک کی جانب سے اپنی ٹرانسپورٹ کے ذریعے پاکستان تک پہلی براہ راست رسائی ہے اور نجی شعبے کی قیادت میں اس کو ایک بڑی کامیابی قرار دیا جا رہا ہے۔ اس سے وسط ایشیا اور پاکستان کے درمیان تجارت کے لیے ایک متبادل راہداری کھل گئی ہے اور روایتی راستوں پر انحصار کم ہوگا۔
مزید پڑھیے: کرغزستان کے ساتھ تعلقات کو نئی بلندیوں پر لے جائیں گے، وزیراعظم شہباز شریف
یہ اقدام پاکستان کے معروف برآمد کنندہ ادارے ہیمانی گروپ کی کوششوں سے ممکن ہوا جو اس بات کو اجاگر کرتا ہے کہ نجی شعبہ سرحد پار تجارت اور لاجسٹکس میں جدت لانے میں کس قدر اہم کردار ادا کر رہا ہے۔
اس کامیابی میں کرغزستان میں پاکستانی سفارتخانے کی مؤثر معاونت شامل رہی جبکہ آپریشنل سطح پر نیشنل لاجسٹکس کارپوریشن کے ایک شراکت دار کے ساتھ قریبی تعاون بھی کیا گیا۔
مزید پڑھیں: پاکستان اور کرغزستان کے درمیان متعدد شعبوں میں معاہدوں اور مفاہمتی یادداشتوں کا تبادلہ
یہ پیشرفت خطے میں زیادہ مضبوط، مؤثر اور متنوع تجارتی نیٹ ورک کے قیام کی جانب ایک اہم قدم ہے۔
