امریکی سینٹرل کمانڈ (سینٹکام) نے بحرِ ہند میں اپنے طیارہ بردار بحری بیڑے ‘جارج بش’ کی موجودگی کی تصدیق کرتے ہوئے اس کی تازہ تصاویر جاری کر دی ہیں۔
یہ بھی پڑھیں: دنیا کا سب سے بڑا امریکی بحری بیڑہ بحیرہ روم پہنچ گیا، ابراہم لنکن بھی مشرقِ وسطیٰ میں موجود
سینٹ کام کے مطابق یہ بحری بیڑا اس وقت کمانڈ کی ذمہ داری کے علاقے کے اندر بحرِ ہند میں گشت کررہا ہے، جو خطے میں امریکی فوجی موجودگی کو مزید مستحکم کرنے کی علامت ہے۔
Nimitz-class aircraft carrier USS George H.W. Bush (CVN 77) sails in the Indian Ocean in the U.S. Central Command area of responsibility, April 23. pic.twitter.com/oDcTM6YMLF
— U.S. Central Command (@CENTCOM) April 23, 2026
اس نئے بحری بیڑے کی آمد کے بعد اب مشرقِ وسطیٰ اور اس سے ملحقہ سمندری حدود میں بیک وقت 3 امریکی طیارہ بردار جہاز فعال ہوگئے ہیں۔ ‘جارج بش’ سے قبل ‘ابراہم لنکن’ اور ‘گیرالڈ فورڈ’ پہلے ہی اس خطے میں آپریشنز جاری رکھے ہوئے ہیں۔
یہ بھی پڑھیں: بحیرہ عرب میں چھوٹے جہاز کی طیارہ بردار امریکی بحری جہاز کے انتہائی قریب خطرناک پرواز
دفاعی تجزیہ کاروں کے مطابق، ایک ہی وقت میں 3 بڑے بحری بیڑوں کی موجودگی خطے کی جیو اسٹریٹیجک صورتحال اور حالیہ کشیدگی کے تناظر میں انتہائی اہمیت کی حامل ہے.
