ترجمان ایرانی وزارت خارجہ اسماعیل بقائی کا کہنا ہے کہ اسلام آباد کے دورے پر موجود ایرانی وزیر خارجہ عباس عراقچی کی امریکی وفد سے کوئی ملاقات متوقع نہیں ہے۔
مزید پڑھیں: ایران امریکا مذاکرات کا اگلا روڈ میپ کیا ہو سکتا ہے؟
اسماعیل بقائی نے سماجی رابطے کی ویب سائٹ پر جاری بیان میں بتایا ہے کہ ایرانی وفد سرکاری دورے پر اسلام آباد پہنچ گیا ہے۔ عباس عراقچی دورے کے دوران پاکستان کے اعلیٰ حکام سے ملاقاتیں کریں گے۔
We arrive in Islamabad, Pakistan, for an official visit. FM Araghchi will be meeting with Pakistani high-level officials in concert with their ongoing mediation & good offices for ending American imposed war of aggression and the restitution of peace in our region.
No meeting… pic.twitter.com/1vP51xIoep
— Esmaeil Baqaei (@IRIMFA_SPOX) April 24, 2026
بیان کے مطابق یہ دورہ ایسے وقت میں ہو رہا ہے جب خطے میں کشیدگی پائی جاتی ہے اور پاکستان اس صورتحال میں ثالثی اور سفارتی کردار ادا کر رہا ہے۔ ایرانی حکام پاکستان کی کوششوں کے ساتھ مل کر خطے میں امن کی بحالی اور کشیدگی کے خاتمے پر بات چیت کریں گے۔
مزید پڑھیں: ایران معاملے کے حل کے لیے پیشکش تیار کر رہا ہے دیکھتے ہیں کیا سامنے آتا ہے، امریکی صدر ڈونلڈ ٹرمپ
ترجمان نے واضح کیا کہ ایران اور امریکا کے درمیان کسی بھی براہِ راست ملاقات کا کوئی منصوبہ نہیں ہے۔ ایران کا مؤقف پاکستان کے ذریعے پہنچایا جائے گا۔
