پنجاب میں دفعہ 144 کے تحت کھلی جگہوں پر ڈرون اُڑانے پر پابندی برقرار ہے۔
محکمہ داخلہ پنجاب کی جانب سے جاری نوٹیفکیشن کے مطابق آؤٹ ڈور ڈرون کے استعمال پر عائد پابندی میں مزید 30 روز کی توسیع کر دی گئی ہے۔ حکومت نے سیکیورٹی خدشات کے باعث یہ پابندی نافذ کر رکھی ہے۔
یہ بھی پڑھیے: یوکرین کا روس میں سرحد سے 1700 کلومیٹر اندر ڈرون حملہ، 9 افراد زخمی
اعلامیے میں بتایا گیا ہے کہ شادی ہالز اور مارکیز کے اندر ہونے والی تقریبات میں چھوٹے ڈرون محدود پیمانے پر استعمال کیے جا سکتے ہیں۔ تاہم انڈور تقریبات میں ڈرون کے محفوظ استعمال کی ذمہ داری منتظمین پر ہوگی۔
نوٹیفکیشن کے مطابق انٹیلی جنس اور قانون نافذ کرنے والے ادارے اس پابندی سے مستثنیٰ ہوں گے، جبکہ پابندی میں 25 مئی تک توسیع کر دی گئی ہے۔
