پاکستان اور ایران نے دوطرفہ تعلقات کو مزید مستحکم بنانے اور مختلف شعبوں میں تعاون بڑھانے کے عزم کا اعادہ کیا ہے۔
وفاقی وزیر پیٹرولیم علی پرویز ملک سے پاکستان میں ایران کے سفیر رضا علی مقدم نے ملاقات کی، جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔
یہ بھی پڑھیں:امریکا ایران کشیدگی کے تناظر میں سفارتی روابط تیز، ایرانی سفیر کی وزیراعظم شہباز شریف سے ملاقات
ایرانی سفیر نے خطے میں امن و استحکام کے فروغ میں پاکستان کے تعمیری کردار پر حکومت اور عوام کا شکریہ ادا کیا۔ انہوں نے پاکستان کی سفارتی کوششوں کو سراہتے ہوئے کہا کہ ایران پاکستان کی امن کے لیے کی جانے والی کاوشوں کو قدر کی نگاہ سے دیکھتا ہے۔
وفاقی وزیر علی پرویز ملک نے سفیر کے خیالات کا خیرمقدم کرتے ہوئے خطے میں امن کے قیام کے لیے پاکستان کے عزم کا اعادہ کیا اور کہا کہ دونوں ممالک کے درمیان تعاون کو مزید فروغ دیا جائے گا۔
