صدر مملکت آصف علی زرداری ان دنوں وفد کے ہمراہ چین کے دورے پر ہیں، جہاں انہوں نے اہم اقتصادی و سائنسی تعاون کے معاہدوں کی تقریب میں شرکت کی۔
صدر آصف زرداری نے شہر سنیا میں ایک مشترکہ منصوبے کے معاہدے اور دو مفاہمتی یادداشتوں پر دستخط کی تقریب کا مشاہدہ کیا۔ یہ معاہدے تعمیراتی مشینری، جانوروں کی ویکسینز اور طبی ٹیکنالوجی کے شعبوں میں تعاون کو فروغ دینے کے لیے طے پائے۔
یہ بھی پڑھیں:صدر زرداری کا چین میں بڑا اقدام: زرعی عمل کاری اور جدید صنعت میں پاک چین تعاون کو نئی سمت دینے کا فیصلہ
حکام کے مطابق ان معاہدوں کا مقصد پاکستان اور چین کے درمیان کلیدی شعبوں میں شراکت داری کو مزید مضبوط بنانا اور جدید ٹیکنالوجی کے تبادلے کو فروغ دینا ہے۔ یہ پیش رفت دونوں ممالک کے درمیان بڑھتے ہوئے اقتصادی اور سائنسی روابط کی عکاسی کرتی ہے۔
