نائب وزیر اعظم و وزیر خارجہ محمد اسحاق ڈار نے رات گئے اپنے ایرانی ہم منصب سید عباس عراقچی سے خطے کی مجموعی صورتحال اور امن و استحکام کے لیے پاکستان کی سفارتی کوششوں پر تبادلہ خیال کیا۔
دفتر خارجہ کے ترجمان کے مطابق ٹیلیفون پر گفتگو کے دوران دونوں رہنماؤں نے موجودہ علاقائی پیش رفت پر تفصیلی بات چیت کی۔
یہ بھی پڑھیں: پاکستان ایران کے ساتھ کھڑا ہے، قومی اتحاد کی ضرورت ہے، اسحاق ڈار کی میڈیا بریفنگ
ایرانی وزیر خارجہ نے مختلف فریقین کے درمیان مثبت اور تعمیری کردار ادا کرنے پر پاکستان کی کاوشوں کو سراہا اور ثالثی کی سنجیدہ کوششوں کی تعریف کی۔
Deputy Prime Minister / Foreign Minister Senator Mohammad Ishaq Dar @MIshaqDar50 held a telephonic conversation late last night with the Foreign Minister of Iran, Seyed Abbas Araqchi @Araghchi.
Discussion focused on regional situation and Pakistan’s ongoing diplomatic efforts… pic.twitter.com/B5PN7DhnEN
— Ministry of Foreign Affairs – Pakistan (@ForeignOfficePk) May 4, 2026
اس موقع پر اسحاق ڈار نے اس عزم کا اعادہ کیا کہ پاکستان خطے میں تعمیری روابط کے فروغ کے لیے اپنی کوششیں جاری رکھے گا۔
مزید پڑھیں: پاکستان ایران کی صورتحال پر نظر رکھے ہوئے ہے، ترجمان خارجہ
انہوں نے اس بات پر زور دیا کہ مسائل کا پائیدار حل صرف مکالمے اور سفارتکاری کے ذریعے ہی ممکن ہے، اور یہی راستہ دیرپا امن و استحکام کی ضمانت فراہم کرتا ہے۔
دفتر خارجہ کے مطابق پاکستان خطے میں کشیدگی کم کرنے اور تعاون کے فروغ کے لیے اپنی سفارتی کوششیں جاری رکھے گا۔
