وزیراعظم شہباز شریف نے متحدہ عرب امارات میں شہری تنصیبات پر میزائل اور ڈرون حملوں کی شدید مذمت کرتے ہوئے اماراتی قیادت اور عوام سے مکمل یکجہتی کا اظہار کیا ہے۔
یہ بھی پڑھیں: ایران کے یو اے ای پر میزائل اور ڈرون حملے، فجیرہ کی تیل تنصیبات میں آگ بھڑک اٹھی
سوشل میڈیا پلیٹ فارم ایکس پر اپنے بیان میں وزیراعظم نے کہا کہ پاکستان گزشتہ رات متحدہ عرب امارات میں ہونے والے حملوں کی سخت الفاظ میں مذمت کرتا ہے۔
Pakistan strongly condemns the missile and drone attacks on civilian infrastructure in the United Arab Emirates last night. I express full solidarity with His Highness @MohamedBinZayed. Pakistan stands firmly with our Emirati brothers and sisters as well as with the Government of…
— Shehbaz Sharif (@CMShehbaz) May 5, 2026
انہوں نے متحدہ عرب امارات کے صدر محمد بن زاید آل نہیان سے بھی اظہارِ ہمدردی کرتے ہوئے کہا کہ پاکستان اس مشکل وقت میں اپنے اماراتی بھائیوں اور بہنوں سمیت حکومتِ امارات کے ساتھ کھڑا ہے۔
وزیراعظم نے اس بات پر زور دیا کہ جنگ بندی کا احترام انتہائی ضروری ہے تاکہ بات چیت کے لیے سفارتی مواقع میسر آ سکیں، جو خطے میں دیرپا امن اور استحکام کا باعث بن سکتے ہیں۔
مزید پڑھیں: متحدہ عرب امارات کا ایران پر ممکنہ امریکی حملے میں تعاون سے انکار
شہباز شریف نے مزید کہا کہ ایسے حملے نہ صرف انسانی جانوں اور املاک کے لیے خطرہ ہیں بلکہ خطے میں امن کی کوششوں کو بھی نقصان پہنچاتے ہیں۔
