معرکہ حق کی پہلی سالگرہ کے موقع پر اسلام آباد کی فضاؤں میں پاک فضائیہ کے لڑاکا طیاروں کی شاندار فارمیشن اور فلائی پاسٹ کی ریہرسل نے شہریوں کو حیران کر دیا۔ طیاروں کی گھن گرج اور نعرۂ تکبیر کی صداؤں سے دارالحکومت کی فضا گونج اٹھی۔
One year after Pakistan’s so-called “Battle of Truth,” fighter jets were seen conducting flypast rehearsals over Islamabad ahead of May 10 celebrations.
Pakistan Air Force showcased aerial maneuvers and ceremonial drills as part of preparations for the anniversary event in the… pic.twitter.com/OdswqlSwZM
— Wolverine Update (@W0lverineupdate) May 8, 2026
میڈیا رپورٹ کے مطابق اسلام آباد میں معرکہ حق کو ایک سال مکمل ہونے کی مناسبت سے خصوصی تقریبات کا آغاز ہو گیا ہے، جس کے تحت پاک فضائیہ کی جانب سے فلائی پاسٹ کی ریہرسل کی گئی۔
پاک فضائیہ کے جدید لڑاکا طیاروں نے دارالحکومت کی فضاؤں میں منظم فارمیشن میں پرواز کرتے ہوئے اپنی پیشہ ورانہ مہارت اور آپریشنل تیاری کا شاندار مظاہرہ کیا۔ نچلی پروازوں اور طیاروں کی گھن گرج سے شہریوں نے فضائی طاقت کا عملی منظر دیکھا۔
یہ بھی پڑھیں:معرکۂ حق کی پہلی سالگرہ کل بھرپور قومی جوش و جذبے سے منائی جائے گی
حکام کے مطابق یہ تمام سرگرمیاں سالانہ تقریب کے سلسلے میں کی جانے والی ریہرسل کا حصہ ہیں۔ انتظامیہ نے شہریوں کو آگاہ کیا ہے کہ یہ معمول کی مشقیں ہیں، لہٰذا کسی قسم کی تشویش یا خوف کی ضرورت نہیں۔
واضح رہے کہ ’معرکہ حق‘ سے مراد مئی 2025 میں سرحدی کشیدگی کے دوران پاکستان کا وہ دفاعی ردعمل ہے جس میں پاک فضائیہ نے جارحیت کا مؤثر جواب دیتے ہوئے اپنی دفاعی صلاحیت کا بھرپور اظہار کیا تھا۔
