وزیراعلیٰ پنجاب مریم نواز شریف نے معرکہ حق کا ایک سال مکمل ہونے پر اظہارِ تشکر کرتے ہوئے اس معرکے کے ہیروز کو سلامِ عقیدت پیش کیا ہے۔
انہوں نے وزیراعظم شہباز شریف، فیلڈ مارشل عاصم منیر، ایئر مارشل ظہیر بابر سدھو اور ایڈمرل نوید اشرف کو خراجِ تحسین پیش کرتے ہوئے کہا کہ 0-8 کے اس معرکے کو دشمن کبھی فراموش نہیں کر سکے گا۔
ان کے مطابق پاکستان کی فتح اور بھارت کی شکست کی گواہی دنیا نے دی ہے اور یہ سلسلہ جاری رہے گا۔
مریم نواز شریف نے کہاکہ معرکہ حق نے دشمن پر پاکستان کی ہیبت ثبت کردی ہے اور یہ ثابت ہوگیا کہ پاکستان امن پسند ملک ہے، مگر وقت آنے پر بنیان مرصوص بھی ہے۔
انہوں نے کہاکہ یہ معرکہ تاریخِ عالم میں پاکستان کی عظمت کا ایک روشن باب ہے، جس میں پوری قوم نے یکجہتی اور اتحاد کے ساتھ دشمن کا سامنا کیا اور پاک افواج اور عوام کے اتحاد نے دشمن کو جھکنے پر مجبور کیا۔
وزیراعلیٰ پنجاب نے کہاکہ بے باک قیادت نے اس تاریخی فتح کی بنیاد رکھی، اور آج دنیا بھر میں ہر محب وطن پاکستانی اس کامیابی پر خوشی منا رہا ہے۔
ان کے مطابق پنجاب کے ہر شہر، گاؤں اور گلی کوچے میں معرکہ حق کی خوشیاں منائی جا رہی ہیں، جبکہ طلبہ، اساتذہ، تاجر، وکلا، سیاست دان اور کسان سمیت پوری قوم اس کامیابی کا جشن منا رہی ہے۔
انہوں نے مزید کہا کہ پاکستان کے شاہینوں نے اپنی پیشہ ورانہ مہارت سے دشمن پر اپنی برتری ثابت کی۔
