وزیراعظم محمد شہباز شریف سے قطر کے وزیراعظم اور وزیر خارجہ شیخ محمد بن عبدالرحمن آل ثانی نے ٹیلی فون پر رابطہ کیا، جس میں دونوں رہنماؤں نے خطے کی بدلتی صورتحال، جاری امن کوششوں اور پاکستان قطر تعلقات پر تفصیلی گفتگو کی۔
وزیراعظم آفس کے مطابق وزیراعظم محمد شہباز شریف کو آج قطر کے وزیراعظم اور وزیر خارجہ عزت مآب شیخ محمد بن عبدالرحمن آل جاسم آل ثانی نے ٹیلی فون کیا۔
Prime Minister Muhammad Shehbaz Sharif received a telephone call, earlier today, from His Excellency Sheikh Mohammed bin Abdulrahman Al Jassim Al Thani, Prime Minister and Minister of Foreign Affairs of the State of Qatar.
During their warm and cordial conversation, the two… pic.twitter.com/BeABvGMDQv
— Prime Minister's Office (@PakPMO) May 10, 2026
ٹیلی فونک گفتگو کے دوران دونوں رہنماؤں نے خطے کی موجودہ صورتحال اور امن کے لیے جاری سفارتی کوششوں پر تبادلہ خیال کیا۔ اس موقع پر علاقائی استحکام اور مذاکراتی عمل کو آگے بڑھانے کے حوالے سے پیش رفت کا بھی جائزہ لیا گیا۔
وزیراعظم شہباز شریف نے پاکستان اور قطر کے درمیان برادرانہ اور دیرینہ تعلقات کی اہمیت کو اجاگر کرتے ہوئے امن کے لیے پاکستان کی کوششوں میں قطر کی مستقل حمایت کو سراہا۔
یہ بھی پڑھیں:امریکا کی قطر میں پھنسے افغان پناہ گزینوں کو کانگو منتقل کرنے کی تجویز
دونوں رہنماؤں نے اس بات پر زور دیا کہ خطے میں امن اور استحکام کے قیام کے لیے تمام فریقین کے درمیان تعمیری روابط اور مسلسل تعاون ناگزیر ہے۔
وزیراعظم شہباز شریف نے قطر کے امیر شیخ تمیم بن حمد الثانی کے لیے نیک تمناؤں کا اظہار کرتے ہوئے تہہ دل سے تہنیتی پیغام بھی پہنچایا۔
انہوں نے کہا کہ وہ امیرِ قطر کے آئندہ دورۂ پاکستان کے منتظر ہیں، جو دونوں ممالک کے درمیان مضبوط شراکت داری کو مزید وسعت دینے میں اہم کردار ادا کرے گا۔
