اگر آپ کو یوٹیوب پر ویڈیوز اپلوڈ کرنے میں مشکل پیش آ رہی ہے تو پریشان ہونے کی ضرورت نہیں کیونکہ دنیا بھر میں کچھ صارفین اس وقت اسی مسئلے کا سامنا کر رہے تھے۔
یہ بھی پڑھیں: ٹی وی پر یوٹیوب دیکھنے کا انداز بدل گیا، اے آئی اسسٹنٹ والا نیا فیچر متعارف
آؤٹج ٹریکنگ ویب سائٹ ڈاؤن ڈیٹیکٹر کے مطابق بدھ کو صارفین کی شکایات میں اچانک اضافہ دیکھا گیا۔ کچھ ہی وقت میں شکایات 100 سے بھی زیادہ ہو گئیں جس سے ظاہر ہوا کہ بڑی تعداد میں لوگ متاثر ہوئے ہیں۔
متاثرہ صارفین کو یوٹیوب پر ایک پیغام نظر آیا کہ ’اوہ، کچھ غلط ہو گیا‘۔
تاہم بعد میں رپورٹس میں واضح کمی دیکھی گئی جس سے اندازہ ہوتا ہے کہ یوٹیوب نے مسئلے کو کافی حد تک حل کر لیا ہے اور سروسز آہستہ آہستہ معمول پر آ رہی ہیں۔
مزید پڑھیے: کیا ایلون مسک یو ٹیوب کو ٹکر دینے کے لیے نئی ایپ لانچ کرنے جا رہے ہیں؟
قابل ذکر بات یہ ہے کہ یہ مسئلہ زیادہ تر ویڈیوز اپلوڈ کرنے کے عمل کو متاثر کر رہا تھا جبکہ ویڈیوز دیکھنے اور اسٹریمنگ کی سروس زیادہ تر صارفین کے لیے معمول کے مطابق کام کر رہی تھی۔
