اسلام آباد میں سفرا کانفرنس کا آغاز کل سے ہوگا، جس میں خارجہ پالیسی اور دوطرفہ تعلقات کا جائزہ لیا جائے گا۔
نائب وزیراعظم و وزیر خارجہ اسحاق ڈار کے مطابق وزارت خارجہ کے زیرِ اہتمام اسلام آباد میں 14 سے 18 مئی تک جاری رہنے والی ‘ریجنل اینوائے کانفرنس’ کا آغاز ہو رہا ہے، جس میں مختلف ممالک میں تعینات پاکستانی سفرا شرکت کررہے ہیں۔
یہ بھی پڑھیں: پاکستان میں ایس سی او سربراہی کانفرنس 2027 کی تیاریوں کا آغاز، اسحاق ڈار کی اہم ہدایات
اس 5 روزہ کانفرنس کے دوران علاقائی اور عالمی منظر نامے میں ہونے والی حالیہ تبدیلیوں کے ساتھ ساتھ برادر ممالک کے ساتھ پاکستان کے کثیر جہتی دوطرفہ تعلقات کا تفصیلی جائزہ لیا جائے گا۔
The Ministry of Foreign Affairs will convene a Regional Envoys’ Conference in Islamabad from 14–18 May 2026.
The conference will review regional and global developments and Pakistan’s bilateral relations with brotherly countries, focusing on multifaceted areas. The…
— Ishaq Dar (@MIshaqDar50) May 13, 2026
اسحاق ڈار کے مطابق کانفرنس کا مقصد مختلف شعبوں میں تعاون کو مزید وسعت دینا اور سفارت کاری کے محاذ پر پاکستان کی پوزیشن کو بہتر بنانا ہے۔ کانفرنس کے دوران سفرا کی جانب سے پیش کی جانے والی تجاویز اور سفارشات کی روشنی میں پاکستان ان ممالک کے ساتھ اپنے تعلقات کو مزید مضبوط بنانے کے لیے نئی حکمتِ عملی مرتب کرے گا۔
یہ بھی پڑھیں: ’اسلامو فوبیا سے نمٹنے کے لیے عالمی یکجہتی کی اہمیت‘ پر گول میز کانفرنس، سفرا کی شرکت
دفترِ خارجہ کا کہنا ہے کہ پاکستان فعال سفارت کاری اور علاقائی روابط کے فروغ کے ذریعے عالمی سطح پر اپنا مثبت کردار ادا کرنے کے لیے پرعزم ہے۔
