پاکستان تحریک انصاف کے سیکرٹری جنرل اسد عمر نے کہا ہے اُن کی جماعت وزیراعظم شہباز شریف کی بلائی گئی آل پارٹیز کانفرنس میں شرکت نہیں کرے گی۔
لاہور ہائیکورٹ کے باہر میڈیا سے گفتگو میں اُن کا کہنا تھا ’حکومت یہ تاثر دینا چاہ رہی ہے کہ مل کر فیصلہ کرنا چاہیے‘ یہ قوم کو بے وقوف بنانے کی کوشش کر رہے ہیں ۔‘
اسد عمر کا کہنا تھا ’ہمارے رہنماؤں پر جھوٹے مقدمات درج کیے جا رہے ہیں تو کیسے ان کے ساتھ بیٹھ سکتے ہیں۔‘
دو فروری کو وزیراعظم ہاؤس سے جاری اعلامیے کے مطابق وزیر اعظم نے دیگر رہنماؤں کے ساتھ پی ٹی آئی چئیرمن عمران خان کو بھی اے پی سی میں بلایا ہے۔
وزیراعظم نے اہم قومی چیلنجز پر تمام قومی سیاسی قائدین کو ایک میز پر بٹھانے کا فیصلہ کرتے ہوئے 7 فروری کو ‘کل جماعتی کانفرنس’ بلانے کا اعلان کیا تھا ۔
وزیر اعظم نے آج پشاور میں ہونے والی ایپکس کمیٹی کے اجلاس میں بھی پی ٹی آئی کے دو نمائندوں کو شرکت کی دعوت دی تھی تاہم تحریک انصاف نے شرکت نہیں کی ۔
