پاکستان شوبز انڈسٹری کی معروف اداکارہ سجل علی نے حال ہی میں اپنے نئے ہیئر اسٹائل سے مداحوں کو حیران کر دیا۔ اپنی خوبصورتی، منفرد اداکاری اور روایتی انداز کے باعث پہچانی جانے والی سجل علی نے اس بار مختصر باب کٹ ہیئر اسٹائل اپنا کر سوشل میڈیا پر نئی بحث چھیڑ دی ہے۔
اداکارہ کی نئی تصاویر منظرِ عام پر آنے کے بعد سوشل میڈیا صارفین کی جانب سے ملا جلا ردِعمل دیکھنے میں آ رہا ہے۔ جہاں شوبز شخصیات اور قریبی دوستوں نے سجل کے نئے انداز کو سراہا وہیں کئی مداح ان کے لمبے بالوں کی کمی محسوس کرتے دکھائی دیے۔
View this post on Instagram
صبور علی، امر خان اور نادیہ افگن سمیت متعدد فنکاروں نے سجل علی کے نئے لک کی تعریف کرتے ہوئے انہیں خوبصورت اور منفرد قرار دیا جبکہ دوسری جانب بعض مداحوں نے حیرت کا اظہار کرتے ہوئے تبصرے کیے کہ سجل علی کو اپنے روایتی انداز کو برقرار رکھنا چاہیے تھا۔
کچھ صارفین نے نئے ہیئر اسٹائل کو محض عارضی تبدیلی یا وِگ بھی قرار دیا اور کچھ نے کہا کہ یہ صحیفہ جبار سے متاثر ہیںجبکہ کئی صارفین نےکہا کہ یہ بالکل لڑکا لگ رہی ہیں۔
