آذربائیجان کے وزیر انصاف فرید تراب اوغلو احمدوف نے جمعرات کو وزیراعظم سے ملاقات کی۔
یہ بھی پڑھیں: آذربائیجان پاکستان کو ایل این جی کی فراہمی کے لیے تیار، باضابطہ پیشکش کردی
وزیراعظم ہاؤس میں ہونے والی ملاقات میں وزیر قانون، انصاف اور انسانی حقوق اعظم نذیر تارڑ، اٹارنی جنرل منصور عثمان اعوان، وزیر مملکت برائے قانون و انصاف بیرسٹر عقیل ملک، اسپیشل اسسٹنٹ طارق فاطمی اور سیکریٹری خارجہ آمنہ بلوچ بھی موجود تھے۔
ملاقات کے دوران وزیراعظم نے مہمان وزیر کا خیرمقدم کرتے ہوئے کہا کہ پاکستان اور آذربائیجان بھائی چارے کے رشتے رکھتے ہیں اور دونوں ممالک کے تعلقات روز بروز مضبوط ہو رہے ہیں۔
مزید پڑھیے: اسحاق ڈار کا آذربائیجانی ہم منصب سے رابطہ، خطے کی صورتحال پر تبادلہ خیال
انہوں نے آذربائیجان کے صدر الہام علیوف کے لیے پیغام بھی پہنچایا اور اس ہفتے ہونے والی اپنی ٹیلیفون گفتگو کا حوالہ دیا۔
H.E. Mr. Farid Turab Oglu Ahmadov, Justice Minister of Azerbaijan calls on Prime Minister Muhammad Shehbaz Sharif in Islamabad, today (14 May, 2026). pic.twitter.com/D1XdyUrIt3
— Prime Minister's Office (@PakPMO) May 14, 2026
آذربائیجان کے وزیر انصاف نے وزیراعظم کا شکریہ ادا کرتے ہوئے پاکستان میں دی گئی مہمان نوازی کی تعریف کی۔
انہوں نے قانونی اور عدالتی شعبے میں دونوں ممالک کے جاری تعاون پر بریفنگ دی جس میں باہمی قانونی معاونت کے میکانزم کی بہتری اور عدالتی نظام کی صلاحیت سازی شامل ہے۔
مزید پڑھیں: آذر بائیجان رعایتی نرخ پر ایل این جی دے گا، پاکستان سے دیگر اہم معاہدے بھی طے پاگئے
وزیراعظم نے دونوں ممالک کی کوششوں کو سراہا اور کہا کہ وہ جلد اپنے عزیز بھائی صدر الہام علیوف سے ملاقات کے منتظر ہیں تاکہ تمام شعبوں میں دوطرفہ تعاون کو مزید فروغ دیا جا سکے۔
