بشریٰ بی بی کی صحت سے متعلق پروپیگنڈا حقائق کے منافی، سہولیات کی فراہمی قانون کے مطابق ہے، طلال چوہدری

وزیر مملکت برائے داخلہ سینیٹر طلال چوہدری نے کہا ہے کہ بشریٰ بی بی کی صحت سے متعلق پھیلایا جانے والا گمراہ کن پروپیگنڈا حقائق کے منافی ہے۔

سینیٹر طلال چوہدری نے اپنے بیان میں کہا کہ ایک میڈیکل بورڈ، جس میں سینئر اسپیشلسٹس شامل ہیں، بشریٰ بی بی کا باقاعدگی سے طبی معائنہ کرتا ہے، جس میں آنکھوں کے ماہرین، امراضِ قلب کے ڈاکٹر، ای این ٹی اسپیشلسٹس، ڈینٹل سرجنز اور دیگر ڈاکٹر شامل ہیں، جبکہ تمام علاج بین الاقوامی طبی معیار کے مطابق کیا جا رہا ہے۔

https://x.com/TallalPMLN/status/2055222097258164620

انہوں نے کہا کہ آئی اسپیشلسٹ کی نگرانی میں پمز اسلام آباد میں آنکھ کے متعدد سیشنز کیے گئے، اور علاج کے بعد بینائی 6/6 رپورٹ کی گئی۔

طلال چوہدری کے مطابق سپریم کورٹ نے بھی جیل سپرنٹنڈنٹ کی تفصیلی رپورٹ پر اطمینان کا اظہار کیا ہے، اور حقیقت یہ ہے کہ پاکستان کی تاریخ میں شاید کسی قیدی کو ایسی سہولیات فراہم نہیں کی گئیں۔

یہ بھی پڑھیں:بشریٰ بی بی کی ملاقاتوں پر پابندی کا معاملہ: سیاسی گفتگو کا خدشہ ہو تو ملاقاتیوں سے بیانِ حلفی لیا جائے، اسلام آباد ہائیکورٹ

انہوں نے مزید کہا کہ آنکھ کو کوئی نقصان نہیں پہنچا اور قوم کی آنکھوں میں دھول جھونکنے کی کوشش نہ کی جائے۔ جب احتجاج، جلاؤ گھیراؤ اور انتشار کی سیاست ناکام ہوئی تو اب ہمدردی کارڈ استعمال کیا جا رہا ہے۔