وزیراعلیٰ پنجاب مریم نواز وفد کے ہمراہ آذربائیجان کے دارالحکومت باکو پہنچ گئی ہیں، جہاں ایئرپورٹ پر ان کا استقبال کیا گیا۔
دورے کے دوران مریم نواز 17 مئی کو آذربائیجان کے صدر سے ملاقات کریں گی۔ وہ باکو ورلڈ اربن فورم میں پاکستان کی نمائندگی کریں گی اور باکو اولمپک اسٹیڈیم میں ورلڈ لیڈرز سمٹ سے خطاب بھی کریں گی۔
گزشتہ روز اپنے بیان میں وزیراعلیٰ پنجاب نے کہا تھا کہ وہ 3 روزہ سرکاری دورے پر ورلڈ اربن فورم میں شرکت کے لیے باکو روانہ ہو رہی ہیں۔
Will be leaving for Baku tomorrow Insha’Allah on a three day state visit to participate in the World Urban Forum.
It will be a singular honour to present Punjab’s flagship sustainable urban affordable housing initiative, “Apni Chhat Apna Ghar,” at the Pakistan Pavilion at the… pic.twitter.com/7Zdl9fTMSD
— Maryam Nawaz Sharif (@MaryamNSharif) May 15, 2026
انہوں نے کہاکہ ان کے لیے یہ اعزاز ہوگا کہ وہ پاکستان پویلین میں پنجاب کے پائیدار اور کم لاگت ہاؤسنگ منصوبے ’اپنی چھت اپنا گھر‘ کو عالمی فورم میں پیش کریں۔
مریم نواز کے مطابق پنجاب میں زیرِ تعمیر ایک لاکھ 60 ہزار گھروں میں سے ایک لاکھ مکمل ہو چکے ہیں اور ایک سال سے بھی کم عرصے میں متعدد خاندان اپنے نئے گھروں میں منتقل ہو چکے ہیں۔
انہوں نے مزید کہاکہ پاکستان پویلین میں پنجاب کا عوام دوست اور جامع شہری ترقیاتی ماڈل، کم لاگت رہائش اور کم آمدنی والے خاندانوں کے لیے پائیدار کمیونٹیز کا کیس اسٹڈی بھی پیش کیا جائے گا۔
