تائیوانی مصنفہ یانگ شوانگ زی کے ناول ’تائیوان ٹریول لاگ‘ نے عالمی بکر ادبی انعام اپنے نام کر لیا۔ یہ پہلا موقع ہے کہ مینڈارن زبان سے ترجمہ کیے گئے کسی ناول کو یہ اعزاز ملا ہو۔
مزید پڑھیں: بکر پرائز 2025 اپنے نام کرنیوالی بھارتی مصنفہ بانو مشتاق کون ہیں؟
لندن میں منعقدہ تقریب میں مصنفہ اور مترجم لن کنگ کو مشترکہ طور پر 50 ہزار پاؤنڈ کی انعامی رقم دی گئی۔ یانگ شوانگ زی اس انعام کو حاصل کرنے والی پہلی تائیوانی ادیبہ بھی بن گئی ہیں۔
ناول کی کہانی 1930 کی دہائی کے جاپانی زیرِ اقتدار تائیوان کے گرد گھومتی ہے، جس میں سفر، کھانوں کی ثقافت اور نوآبادیاتی دور کے سماجی تعلقات کو منفرد انداز میں پیش کیا گیا ہے۔
مزید پڑھیں: ادب کا نوبل انعام 2023 ناروے کے یون فوسے کے نام
منصفین نے ناول کو محبت، تاریخ اور نوآبادیاتی حقیقتوں کا دلکش امتزاج قرار دیتے ہوئے کہا کہ یہ بظاہر سادہ مگر فکری طور پر نہایت گہرا کام ہے۔
یہ ناول پہلی بار 2020 میں شائع ہوا تھا اور تائیوان کا اعلیٰ ادبی اعزاز بھی حاصل کر چکا ہے۔
