پاکستانی شوبز انڈسٹری کی معروف اداکارہ میرا نے انکشاف کیا ہے کہ شاہ رخ کی فلم ’جب تک ہے جان‘ میں کترینہ کا کردار پہلے انہیں آفر ہوا تھا۔
حالیہ انٹرویو میں میرا نے کہا کہ یش چوپڑا نے مجھے شاہ رخ خان کے ساتھ کاسٹ کیا تھا۔ فلم کی شوٹنگ لندن میں ہونا تھی اور مجھے اس کردار کے لیے منتخب کیا گیا تھا۔
یہ بھی پڑھیں: عامر خان شاہ رخ خان کی فلم ‘کچھ کچھ ہوتا ہے’ دیکھ کر رو پڑے
انہوں نے مزید کہا کہ بھارت میں ان کا پرتپاک استقبال کیا گیا تھا اور وہ کئی معروف شخصیات سے ملاقات بھی کر چکی ہیں جن میں امیتابھ بچن، گوری خان، کرن جوہر، سنجے دت شامل ہیں۔ اداکارہ نے دعویٰ کیا کہ وہ دس دن تک دلیپ کمار کے گھر میں بھی رہیں۔
سوشل میڈیا صارفین کی جانب سے میرا کے اس بیان پر ملا جلا ردعمل سامنے آ رہا ہے۔ بعض صارفین نے ان کے دعوؤں پر شکوک کا اظہار کرتے ہوئے کہا ہے کہ میرا اکثر خبروں میں رہنے کے لیے غیر متوقع بیانات دیتی ہیں جبکہ کچھ مداحوں نے ان کے ماضی کے بین الاقوامی روابط کو حقیقت قرار دیا ہے۔
ایک صارف کا کہنا تھا کہ میرا اچھے سے جانتی ہیں کہ خبروں میں کیسے رہنا ہے جبکہ ایک صارف نے کہا کہ اس کو کہتے ہیں کھلی آنکھوں سے خواب دیکھنا۔
یہ بھی پڑھیں: شاہ رخ خان نے ‘میڈیکل ایڈوائس’ کے بعد کیریئر سے متعلق بڑا فیصلہ کر لیا
فاطمہ نامی صارف نے کہا کہ انسان کو ایسی بات کرنی چاہیے جس پر دوسرے یقین بھی کر سکیں جبکہ ایک اور صارف نے طنزاً سوال کیا کہ کیا یہ بات شاہ رخ خان کو پتہ ہے؟
