کراچی میں منشیات فروشی کے الزام میں گرفتار ملزمہ انمول عرف پنکی کے موبائل فون کا مکمل فورینزک اور ڈیٹا حاصل کر لیا گیا ہے۔
میڈیا رپورٹس کے مطابق جس کے بعد متعلقہ افراد کی ایک تفصیلی فہرست بھی مرتب کر لی گئی ہے۔
یہ بھی پڑھیں: کراچی: منشیات فروش انمول پنکی کے جسمانی ریمانڈ میں مزید 4 دن کی توسیع
ذرائع کے مطابق ابتدائی تحقیقات میں سامنے آنے والی معلومات سے معلوم ہوا ہے کہ ملزمہ کے مبینہ نیٹ ورک کے روابط ملک کے مختلف شہروں تک پھیلے ہوئے تھے۔
تیار کردہ فہرست میں مبینہ کلائنٹس کے نام، فون نمبرز اور رہائشی پتے شامل کیے گئے ہیں۔
مزید پڑھیں: انمول پنکی نے کن شخصیات کے خلاف بیانات دیے؟ وکیل نے ملاقات کی تفصیلات بتا دیں
ذرائع کا کہنا ہے کہ تفتیشی ادارے اب موبائل نمبرز اور دیگر فورینزک شواہد کی جانچ پڑتال میں مصروف ہیں تاکہ نیٹ ورک سے جڑے مزید افراد تک رسائی حاصل کی جا سکے۔
حکام کے مطابق جیسے جیسے مبینہ کلائنٹس سے متعلق معلومات سامنے آ رہی ہیں، کیس کی تحقیقات کا دائرہ مزید وسیع ہونے اور اہم انکشافات متوقع ہونے کا امکان ہے۔
