امریکی صدر ڈونلڈ ٹرمپ نے سوشل میڈیا پلیٹ فارم ’ٹروتھ سوشل‘ پر جاری بیان میں کہا ہے کہ اگر ایران مکمل طور پر ہتھیار ڈال دے تب بھی امریکی میڈیا اسے ایران کی کامیابی قرار دے گا، جبکہ انہوں نے امریکی ذرائع ابلاغ اور ڈیموکریٹس کو شدید تنقید کا نشانہ بنایا۔
اپنے بیان میں صدر ٹرمپ نے کہا کہ اگر ایران شکست تسلیم کرتے ہوئے اپنی بحریہ، فضائیہ اور فوج کے خاتمے کا اعتراف کرے، تہران سے اپنی فوج کو ہتھیار ڈال کر باہر نکالے اور باقی قیادت امریکا کے سامنے سرنڈر دستاویزات پر دستخط کر دے، تب بھی بعض امریکی میڈیا ادارے اسے ایران کی ’شاندار کامیابی‘ قرار دیں گے۔
یہ بھی پڑھیں:ڈونلڈ ٹرمپ پر تنقید مہنگی پڑ گئی، سی بی ایس پر اسٹیفن کولبرٹ کا آخری شو
ٹرمپ نے نیویارک ٹائمز، وال اسٹریٹ جرنل اور سی این این سمیت مختلف امریکی میڈیا اداروں کو ’فیک نیوز میڈیا‘ قرار دیتے ہوئے الزام لگایا کہ یہ ادارے امریکا کی کامیابیوں کو بھی غلط انداز میں پیش کرتے ہیں۔
انہوں نے اپنے بیان میں ڈیموکریٹس پر بھی تنقید کی اور کہا کہ امریکی میڈیا اور ڈیموکریٹک قیادت مکمل طور پر اپنی سمت کھو چکے ہیں اور ’پاگل پن‘ کا شکار ہو چکے ہیں۔
