نائب وزیراعظم اور وزیر خارجہ اسحاق ڈار نے کہا ہے کہ وزیراعظم شہباز شریف کی قیادت میں ہانگژو میں پاک چین بزنس ٹو بزنس انویسٹمنٹ کانفرنس میں شرکت کے بعد وہ اہم سیاسی اور اقتصادی اجلاسوں میں شرکت کے لیے بیجنگ روانہ ہو رہے ہیں۔
After attending the Pakistan–China B2B Investment Conference , led by Prime Minister Shehbaz Sharif @CMShehbaz, in Hangzhou this morning, I am now departing for Beijing to co-chair the 2nd Pakistan–China Political Parties Forum and the 4th CPEC Political Parties Joint…
— Ishaq Dar (@MIshaqDar50) May 24, 2026
سماجی رابطے کی ویب سائٹ ایکس پر اپنے بیان میں اسحاق ڈار نے کہا کہ وہ چین کی کمیونسٹ پارٹی کی مرکزی کمیٹی کے بین الاقوامی شعبے کے سربراہ لیو ہائیشنگ کے ساتھ دوسرے پاکستان۔چین پولیٹیکل پارٹیز فورم اور سی پیک پولیٹیکل پارٹیز جوائنٹ کنسلٹیشن میکانزم کے چوتھے اجلاس کی مشترکہ صدارت کریں گے۔
یہ بھی پڑھیں:بنگلہ دیش کے اعلیٰ سول افسران کے وفد کا وزارت خارجہ کا دورہ، اسحاق ڈار کا خیرمقدم
انہوں نے کہا کہ ان اجلاسوں میں سیاسی باہمی اعتماد کو مزید مضبوط بنانے، اعلیٰ معیار کے سی پیک تعاون کو فروغ دینے اور پاک چین دیرینہ دوستی کو مزید گہرا کرنے پر نتیجہ خیز گفتگو متوقع ہے۔
اسحاق ڈار نے ہانگژو کو خوبصورت اور متحرک شہر قرار دیتے ہوئے کہا کہ وہ اس شہر کی خوشگوار یادیں ساتھ لے کر بیجنگ روانہ ہو رہے ہیں۔
