بنگلہ دیش کے ضلع رنگپور کے علاقے جھاربسلا سے تعلق رکھنے والے معذور شہری محمد اسرائل عالم کو پاکستان ہائی کمیشن کی جانب سے 3 پہیوں والی گاڑی فراہم کر دی گئی۔
یہ بھی پڑھیں: بنگلہ دیش میں خسرہ بحران سنگین، بچوں کی اموات 500 سے تجاوز کر گئیں
محمد اسرائل عالم نے اپنی نقل و حرکت میں سہولت کے لیے پاکستانی وزیراعظم محمد شہباز شریف سے مدد کی درخواست کی تھی۔
درخواست پر کارروائی کرتے ہوئے بنگلہ دیش میں موجود پاکستان ہائی کمیشن میں ایک تقریب کے دوران انہیں باضابطہ طور پر 3 پہیوں والی گاڑی کی چابیاں حوالے کی گئیں۔
اس اقدام کو انسانی ہمدردی کے تحت اٹھایا گیا ایک اہم قدم قرار دیا گیا جس کا مقصد ایک خصوصی فرد کی روزمرہ زندگی میں آسانی پیدا کرنا اور اس کی نقل و حرکت کو بہتر بنانا ہے۔
مزید پڑھیے: بنگلہ دیش کا روہنگیا بحران پر اقوام متحدہ سے مؤثر تعاون بڑھانے کا مطالبہ
حکام کے مطابق یہ اقدام دونوں ممالک کے درمیان خیرسگالی اور انسانی تعاون کے جذبے کی عکاسی کرتا ہے۔
