بھارتی ریاست اتر پردیش کے ضلع فیروز آباد میں دل دہلا دینے والے واقعے میں بچے کی ماں سے شادی کی خواہش میں سفاک شخص نے ڈیڑھ سالہ معصوم بچے کو قتل کر دیا۔
پولیس کے مطابق مقتول بچے کی شناخت آراو عرف کالو کے نام سے ہوئی ہے جو خاتون رتی اور اس کے شوہر سمیت کا ڈیڑھ سالہ بیٹا تھا۔ ابتدائی تحقیقات کے مطابق ملزم وراج خاتون رتی سے محبت کرتا تھا اور اس سے شادی کا خواہشمند تھا۔ اہلِ خانہ کا الزام ہے کہ وہ بچے کو اپنے تعلقات کی راہ میں رکاوٹ سمجھتا تھا۔
بھارت میں درندگی کی انتہا!
جتیندر پاٹھک نامی ایک برہمن شخص نے ڈیڑھ سالہ بچے کو بے رحمی سے زمین پر پٹخ پٹخ کر قتل کر دیا💔 https://t.co/BvhqU5phji
— Sadia Khalid (@SadiasOfficial) May 31, 2026
پولیس کا کہنا ہے کہ رتی اپنے والدین کے گھر سے اپنی خالہ کے گھر آئی ہوئی تھی۔ اسی دوران ملزم وہاں پہنچا اور مبینہ طور پر آراو کو ٹافی دلانے کے بہانے اپنے ساتھ لے گیا۔
تحقیقات کے مطابق ملزم نے بعد ازاں بچے پر تشدد کیا اور اسے بار بار زمین پر پٹخا جس کے نتیجے میں وہ شدید زخمی ہو گیا۔ اہلِ خانہ فوری طور پر بچے کو قریبی اسپتال لے گئے تاہم ڈاکٹرز نے معائنے کے بعد اسے مردہ قرار دے دیا۔
یہ بھی پڑھیں: نوجوان پنجابی گلوکارہ کو اغوا کے بعد قتل کیوں کیا گیا؟ لرزہ خیز وجوہات سامنے آگئیں
واقعے کی اطلاع ملنے پر پولیس موقع پر پہنچی لاش کو تحویل میں لے کر پوسٹ مارٹم کے لیے منتقل کر دیا۔ پولیس کا کہنا ہے کہ ملزم نے گرفتاری سے بچنے کے لیے فائرنگ کی جس کے جواب میں پولیس کی فائرنگ سے وہ زخمی ہو گیا اور اسے حراست میں لے لیا گیا۔
