پاکستانی ڈرامہ انڈسٹری کی معروف اداکارہ سیدہ طوبیٰ انور نے اپنے والدین کے ہمراہ کیے گئے حج کے سفر کی جھلکیاں اور جذباتی تاثرات سوشل میڈیا پر شیئر کر دیے۔
انسٹاگرام پر شیئر کی گئی تصاویر کی ایک سیریز کے ساتھ اداکارہ نے اپنے اس مقدس سفر کو زندگی کا ایک انتہائی معنی خیز اور یادگار تجربہ قرار دیا۔ انہوں نے بتایا کہ انہیں یہ سعادت اپنی والدہ اور والد کے ساتھ حاصل ہوئی جس پر وہ بے حد شکر گزار ہیں۔
View this post on Instagram
انہوں نے لکھا کہ میں زندگی میں اس لیے خوش نصیب ہوں کہ مجھے یہ سفر اپنی روح کے ساتھیوں اپنی امی اور ابو کے ساتھ کرنے کا اعزاز حاصل ہوا۔ الحمدللہ
انہوں نے مزید لکھا کہ حج آپ کو اس طرح بدل دیتا ہے اور آپ کے اندر کی ٹوٹ پھوٹ کو اس انداز میں جوڑ دیتا ہے جسے لفظوں میں بیان نہیں کیا جا سکتا۔ پانچ دنوں میں بہت کچھ ہوا۔ جب دنیا اپنی رفتار سے چلتی رہی، یہ پانچ دن ایک پوری زندگی کی طرح لگے اس دوران ہم بہت سی ایسی چیزیں چھوڑ دیتے ہیں جنہیں ہم غیر ضروری طور پر تھامے رکھتے ہیں اور ہمیں وہی کچھ ملتا ہے جس کی ہماری روح کو واقعی ضرورت ہوتی ہے۔
یہ بھی پڑھیں: ’کون ہے یہ لڑکی‘ ، سیدہ طوبیٰ انور کا فوٹو شوٹ وائرل
انہوں نے مزید کہا کہ یہ سب کیسے ہوا اور ہمیں یہاں تک لانے والی کہانی ایک معجزاتی داستان ہے جو کسی اور دن کے لیے ہے۔ فی الحال بس شکر ہی شکر۔
اپنے پیغام کے اختتام پر طوبیٰ انور نے اپنے حج کی قبولیت کی دعا کی اور بتایا کہ وہ حج کی ادائیگی کے بعد مدینہ منورہ کے سفر پر روانہ ہو چکی ہیں۔ ان کی اس پوسٹ پر مداحوں اور شوبز شخصیات کی جانب سے مبارکباد اور دعاؤں کا سلسلہ جاری ہے۔
