MITCHELL SANTNER CLAIMS MI CUT HIS SALARY:🤯
"Mitchell Santner revealed that Mumbai Indians paid him only half of his IPL 2026 salary after an injury ruled him out of the season. It hurt a little bit". (The Grade Cricketer)
MI had retained him for ₹2 crore. pic.twitter.com/PZezkujtOI
— Danish (@BhttDNSH100) June 3, 2026
بائیں کندھے کی انجری کے بعد اندازہ لگایا گیا تھا کہ سینٹنر تقریباً 8 ہفتوں تک کرکٹ سے دور رہیں گے، لیکن وہ توقع سے پہلے صحت یاب ہو گئے اور انگلینڈ کے خلاف نیوزی لینڈ کی 3 ٹیسٹ میچوں کی سیریز کے لیے اسکواڈ میں شامل کر لیے گئے۔
جلد صحت یاب ہونے پر بعض حلقوں نے ان پر الزام لگایا کہ انہوں نے آئی پی ایل چھوڑنے کے لیے انجری کا بہانہ بنایا، تاہم سینٹنر نے گریڈ کرکٹر پوڈکاسٹ میں شرکت کے دوران ان الزامات کو مسترد کرتے ہوئے کہا کہ انہیں اپنی تنخواہ کا صرف آدھا حصہ ملا۔
مزید پڑھیں: آئی پی ایل فرنچائز نے میری بے عزتی کی، اسٹار کرکٹر گرس گیل رو پڑے
’یہ بات واقعی مجھے کچھ ناگوار گزری۔۔۔ میں پہلے میچ سے محروم رہا کیونکہ میرے دوسرے بچے کی پیدائش ہوئی تھی۔ پھر سیدھا سفر کے بعد دہلی کے خلاف میچ کھیلا اور دائیں کندھے کی انجری کا شکار ہو گیا، جس کے باعث تقریباً ایک ہفتے تک باہر رہا۔‘
مچل سینٹنر کے مطابق، کچھ میچوں بعد وہ جب واپس آئے تو بائیں کندھا بھی زخمی ہو گیا اور انہیں گھر واپس جانا پڑا۔
مزید پڑھیں: آئی پی ایل کی برانڈ ویلیو کتنی کم ہوگئی؟ رپورٹ جاری
’یوں تقریباً 2 ہفتوں کے اندر میرے دونوں کندھے زخمی ہو گئے۔ مجھے لگا کہ میں ان کے لیے اپنا جسم داؤ پر لگا رہا ہوں، لیکن شاید ایسا نہیں تھا۔‘
واضح رہے کہ آئی پی ایل کے قواعد کے مطابق اگر کوئی کھلاڑی ٹورنامنٹ کے دوران زخمی ہو جائے تو فرنچائز پر لازم ہوتا ہے کہ اسے نیلامی میں طے شدہ مکمل رقم ادا کرے۔
اس تناظر میں مچل سینٹنر کا دعویٰ خاصی توجہ حاصل کر رہا ہے۔
