پاکستان کی نامور گلوکارہ، اداکارہ اور سماجی شخصیت حدیقہ کیانی اس وقت اپنے اہلِ خانہ کے ہمراہ کینیا میں چھٹیاں گزار رہی ہیں جہاں وہ قدرتی مناظر اور جنگلی حیات کے مشہور سفاری تجربے سے لطف اندوز ہو رہی ہیں۔
گلوکارہ نے اپنے بیٹے نادِ علی اور دیگر قریبی اہلِ خانہ کے ہمراہ کینیا کے معروف سفاری مقام ماسائی مارا نیشنل ریزرو کا دورہ کیا جہاں وہ جنگلی حیات اور قدرتی حسن کے دلکش مناظر سے محظوظ ہو رہی ہیں۔
View this post on Instagram
اپنے دورے کے حوالے سے حدیقہ کیانی نے کہا کہ وہ اپنے بیٹے اور بھانجی کے ساتھ یہ یادگار لمحات گزار کر خود کو بے حد خوش قسمت اور شکر گزار محسوس کر رہی ہیں۔
انہوں نے مزید کہا کہ وہ اس سفر کی مزید خوبصورت جھلکیاں جلد اپنے مداحوں کے ساتھ شیئر کریں گی۔
یہ بھی پڑھیں: ’ایسی چیزیں قبول نہیں کروں گی‘، سیلاب زدگان کے لیے غیر معیاری سامان ملنے پر حدیقہ کیانی پھٹ پڑیں
واضح رہے کہ حدیقہ کیانی نے موسیقی، اداکاری اور فلاحی کاموں کے ذریعے پاکستان میں نمایاں مقام حاصل کیا ہے جبکہ حال ہی میں انہیں ستارۂ امتیاز سے بھی نوازا گیا ہے۔
