کالعدم جوائنٹ عوامی ایکشن کمیٹی کے احتجاج کے دوران برطانیہ میں موجود کچھ شرپسند عناصر کی جانب سے معصوم عوام کو ورغلانے کی کوشش کی جارہی ہے۔
برطانیہ میں موجود ایک شرپسند کی جانب سے آزاد کشمیر سرکاری املاک کو نقصان پہنچانے کی دھمکی دی گئی، جس نے سوالات کھڑے کردیے ہیں۔
تجزیہ کاروں کا کہنا ہے کہ کوئی بھی مہذب قوم اپنی املاک کو نقصان نہیں پہنچا سکتی، جو لوگ ایسے بیانات دے رہے ہیں، اصل میں ان کے مقاصد کچھ اور ہیں۔
ایسے میں کشمیری تارکینِ وطن پر زور دیا گیا ہے کہ وہ حد سے زیادہ جذباتی ردعمل کا مظاہرہ نہ کریں اور غیر ذمہ دارانہ بیانات کے ذریعے بھارت کو کوئی موقع فراہم نہ کریں، کیوں کہ پاکستان اور کشمیر کا باہمی رشتہ وقتی غصے اور ناراضی سے بالاتر ہے۔
ایسے عناصر جو بیرون ممالک میں بیٹھ کر ریاست میں انارکی پھیلا رہے ہیں، ان کے خلاف کارروائی کے لیے ہر مکتبہ فکر کو اپنا کردار ادا کرنا ہوگا۔
