وزیر دفاع خواجہ آصف کا کہنا ہے کہ فیلڈ مارشل سید عاصم منیر نے ایک سال کے دوران 2 اہم محاذوں پر کامیابیاں حاصل کیں اور ملک کے لیے مؤثر قیادت کا مظاہرہ کیا۔
یہ بھی پڑھیں: 19 جون کو جنیوا میں ایران امریکا امن معاہدہ تقریب کی میزبانی پاکستان کرے گا، وزیراعظم شہباز شریف
اپنے بیان میں خواجہ آصف کا کہنا تھا کہ فیلڈ مارشل عاصم منیر ایک جانب بھارت کے خلاف معرکے میں کامیاب سپہ سالار کے طور پر سامنے آئے جبکہ دوسری جانب امن اور سفارت کاری کے میدان میں بھی دانشمندی، صبر و تحمل اور تدبر کا مظاہرہ کرتے ہوئے اہم کامیابیاں حاصل کیں۔
وزیر دفاع نے کہا کہ فیلڈ مارشل عاصم منیر نے عسکری اور سفارتی دونوں محاذوں پر قومی مفادات کا بھرپور دفاع کیا اور ملک کا وقار بلند کیا۔
انہوں نے دعا کی کہ اللہ تعالیٰ پاکستان کو مزید کامیابیاں عطا فرمائے اور قومی مفادات کے تحفظ کا یہ سلسلہ جاری و ساری رہے۔
مزید پڑھیے: آپریشن بنیان مرصوص کے دوران فیلڈ مارشل عاصم منیر نے قائدانہ کردار ادا کیا، وزیراعظم
خواجہ آصف کا کہنا تھا کہ یہ کامیابیاں متوازن حکمتِ عملی، قومی مفاد پر یکسو توجہ اور مؤثر قیادت کا نتیجہ ہیں۔ انہوں نے امید ظاہر کی کہ یہی قیادت مستقبل میں معاشی استحکام اور دہشتگردی کے خلاف جاری جنگ میں بھی پاکستان کو مزید کامیابیاں دلانے میں اہم کردار ادا کرے گی۔
