شہد دنیا کی سب سے پسندیدہ اور قدرتی میٹھی غذاؤں میں سے ایک ہے تاہم جرمنی میں ایک شخص نے اسے ایسے انداز میں استعمال کر کے سب کو حیران کر دیا کہ یقین کرنا مشکل ہو گیا۔
یہ پڑھیں: پہلوانوں کی طرح کھانے والی یوٹیوبر ایک ماڈل جیسی دبلی پتلی، آخر ماجرا کیا ہے؟
جرمنی سے تعلق رکھنے والے نوجوان اینڈرے اورٹولف، جو غیر معمولی فوڈ چیلنجز میں حصہ لینے کے لیے مشہور ہیں، نے ایک منٹ میں سب سے زیادہ شہد کھانے کا نیا عالمی ریکارڈ قائم کر دیا ہے۔
یہ دلچسپ اور حیران کن ریکارڈ جرمنی کے شہر آگسبرگ میں بنایا گیا جہاں اورٹولف نے صرف 60 سیکنڈ کے اندر 1,273 گرام (تقریباً 44.91 اونس) شہد کھا لیا جو 2 پاؤنڈ سے بھی زیادہ مقدار بنتی ہے۔
انہوں نے ایک بڑے چمچ کے ذریعے بالٹی سے مسلسل شہد کھایا تاہم اس رفتار کو دیکھ کر عام انسان کے لیے اسے برداشت کرنا یا نقل کرنا انتہائی مشکل محسوس ہوتا ہے۔
مزید پڑھیے: مرد زیادہ گوشت کھاتے ہیں یا خواتین، نئی تحقیق کیا کہتی ہے؟
ماہرین کے مطابق شہد جیسی گاڑھی اور میٹھی چیز کو اس رفتار سے کھانا نہ صرف غیر معمولی مہارت اور برداشت کا تقاضا کرتا ہے بلکہ یہ ایک بڑی جسمانی اور ذہنی تیاری کا بھی نتیجہ ہوتا ہے۔
اینڈرے اورٹولف کا یہ کارنامہ ان کی غیر معمولی اسپیڈ، مستقل مزاجی اور مختلف فوڈ چیلنجز میں تجربے کا واضح ثبوت سمجھا جا رہا ہے۔
مزید پڑھیں: کونسی غذائیں جسم کی خوشبو کو پرکشش بناتی ہیں؟
یہ مقابلہ جرمنی کے شہر آگسبرگ میں منعقد ہوا تاہم ابھی یہ واضح نہیں کہ اسے گنیز ورلڈ ریکارڈز کی جانب سے باضابطہ طور پر تسلیم کیا گیا ہے یا نہیں۔
