برطانوی دارالحکومت لندن کے علاقے وائٹ سٹی میں ایک عمارت میں خوفناک آگ لگنے کے واقعے میں 3 افراد ہلاک ہو گئے ہیں، جبکہ عمارت کا ایک بڑا حصہ شدید متاثر ہوا ہے۔ واقعے کے بعد ریسکیو اور فائر بریگیڈ ٹیموں نے فوری کارروائی کرتے ہوئے متعدد افراد کو محفوظ مقام پر منتقل کیا۔
Three people have died following a major fire on India Way in White City. Emergency services mounted a huge response with 15 fire engines and around 100 firefighters attending the scene. Investigations are now underway as crews remain on site overnight. #BreakingNewsLondon… pic.twitter.com/UCfhSsCUX3
— Breaking News London (@NewsNowLondon) June 20, 2026
برطانوی میڈیا کے مطابق آگ لگنے کے بعد عمارت میں شدید دھواں بھر گیا، جس کے باعث امدادی کارروائیاں انتہائی مشکل صورتحال میں کی گئیں۔ فائر بریگیڈ حکام نے بتایا کہ عملے نے عمارت سے کئی افراد کو نکالا جنہیں ابتدائی طبی امداد فراہم کی جا رہی ہے۔
حکام کے مطابق ہلاک ہونے والے افراد کی شناخت کا عمل جاری ہے جبکہ ان کے اہل خانہ کو اطلاع دے دی گئی ہے۔ پولیس نے واقعے کی باضابطہ تحقیقات شروع کر دی ہیں تاکہ آگ لگنے کی وجوہات کا تعین کیا جا سکے۔
یہ بھی پڑھیں:برطانیہ کے ہیتھرو ایئرپورٹ کے قریب آتشزدگی اور پروازیں متاثر ہونے کے واقعے کی تحقیقات کا آغاز
فائر بریگیڈ کا کہنا ہے کہ آگ پر قابو پانے کے بعد کولنگ آپریشن مکمل کر لیا گیا ہے تاہم عمارت کو پہنچنے والے نقصان کا جائزہ لیا جا رہا ہے۔ ابتدائی طور پر آگ لگنے کی وجہ معلوم نہیں ہو سکی۔
لندن پولیس اور فائر حکام نے مشترکہ طور پر اس واقعے کو افسوسناک قرار دیتے ہوئے کہا ہے کہ مکمل تحقیقات کے بعد ہی اصل حقائق سامنے آ سکیں گے۔
