پاکستان نے خطے میں جاری کشیدگی کے دوران انسانی ہمدردی کی ایک اور مثال قائم کرتے ہوئے امریکی حکام کی جانب سے روکے گئے بحری جہاز ’لینوئر/ڈیوینا‘ کے 22 ایرانی جہاز کے عملے کے ارکان کی کراچی آمد میں سہولت فراہم کر دی ہے۔
I am pleased to share that twenty two (22) Iranian crew members of the vessel Lenore/Davina, recently interdicted by US authorities, have safely arrived in Karachi this afternoon, AlhamdoLilah.
Arrangements are now being finalised in close collaboration with the Iranian… https://t.co/wnxfUNhlmw
— Ishaq Dar (@MIshaqDar50) June 26, 2026
ان ملاحوں کی جلد اور محفوظ وطن واپسی کے لیے سفارتی سطح پر انتظامات کو حتمی شکل دی جا رہی ہے۔
پاکستان کا کلیدی سفارتی کردار
نائب وزیراعظم اور وزیر خارجہ اسحاق ڈار نے اس پیش رفت کی تصدیق کرتے ہوئے بتایا کہ یہ گزشتہ 2 ماہ کے دوران پاکستان کے راستے وطن واپس جانے والا ایرانی شہریوں کا چوتھا دستہ ہوگا۔
یہ بھی پڑھیں:ایرانی صدر مسعود پزشکیان آج پاکستان پہنچیں گے، پاک ایران تعلقات اور امریکا سے مفاہمت پر بات ہوگی
انہوں نے بتایا کہ پاکستان اب تک 70 سے زیادہ ایرانی شہریوں کی وطن واپسی میں فعال کردار ادا کر چکا ہے۔
سماجی رابطے پر ردعمل
وزیر خارجہ اسحاق ڈار نے سماجی رابطے کی ویب سائٹ ’ایکس‘ پر اپنے پیغام میں ملاحوں کی کراچی آمد کی تصدیق کرتے ہوئے کہا کہ پاکستان، ایران کے سفارتی مشنز کے ساتھ مل کر ان ملاحوں کی جلد اور محفوظ وطن واپسی کو یقینی بنانے کے لیے پرعزم ہے۔
انہوں نے اس عمل میں وزارت خارجہ کی ٹیم اور متعلقہ پاکستانی اداروں کی پیشہ ورانہ مہارت اور عزم کو بھی سراہا۔
سفارتی پیش رفت
یہ واقعہ 28 فروری 2026 سے بین الاقوامی پانیوں میں شروع ہونے والی کشیدگی کے تناظر میں سامنے آیا ہے، جس کے دوران امریکا نے کئی ایرانی جہازوں کو روک لیا تھا۔
مزید پڑھیں:واشنگٹن تہران معاہدے کے بعد نئی حکمت عملی، ایرانی فنڈز سے امریکی اجناس کی خریداری
اس سے قبل مئی کے مہینے میں بھی پاکستان نے کنٹینر جہاز ’ایم وی ٹوسکا‘ کے 22 ایرانی عملے کی واپسی میں معاونت کی، جسے واشنگٹن اور تہران کے درمیان ایک اہم ’اعتماد سازی کا اقدام‘ قرار دیا گیا تھا۔
ایرانی قیادت کا اعتماد
اسی دوران پاکستان نے سنگاپور اور تھائی لینڈ کے راستے 11 پاکستانیوں سمیت 20 ایرانی شہریوں کی کامیاب واپسی میں بھی کلیدی کردار ادا کیا تھا۔
وزیر خارجہ اسحاق ڈار نے مشکل وقت میں پاکستان پر اعتماد کا اظہار کرنے پر ایرانی قیادت کا شکریہ ادا کیا اور اس بات کا اعادہ کیا کہ پاکستان خطے میں امن اور انسانی ہمدردی کے فروغ کے لیے اپنی سفارتی کوششیں جاری رکھے گا۔
