بہاول نگر کے علاقے چشتیاں میں کنویں میں دم گھٹنے سے 3 نوجوان جاں بحق ہو گئے، جن میں 2 سگے بھائی بھی شامل ہیں۔
پولیس کے مطابق واقعہ اس وقت پیش آیا جب ایک بکری کنویں میں گر گئی، بکری کو بچانے کے لیے نوجوان باری باری کنویں میں اترتے گئے۔
یہ بھی پڑھیں: چوری کی نیت سے آنے والا شخص کنویں میں گرگیا، مدد کے لیے خود ریسکیو 1122 کو کال کرکے بلایا
تاہم اندر آکسیجن کی کمی کے باعث ان کا دم گھٹ گیا اور تینوں جان کی بازی ہار گئے۔
پولیس کا کہنا ہے کہ جاں بحق ہونے والے نوجوانوں کی عمریں 19 سے 24 سال کے درمیان تھیں۔
ریسکیو اہلکاروں نے کارروائی کرتے ہوئے تینوں نوجوانوں کی لاشیں کنویں سے نکال کر ضروری کارروائی کے لیے متعلقہ حکام کے حوالے کر دیں۔
