سیاحتی مقام ناران کے قریب دھم دھمہ کے علاقے میں ٹک ٹاک ویڈیو بنانے کی کوشش کے دوران ایک ویگو ڈالا بے قابو ہو کر دریائے کنہار میں جا گرا تاہم بروقت ریسکیو کارروائی کے نتیجے میں مشہور ٹک ٹاکرز عثمان ورک سمیت پانچ نوجوانوں کو بحفاظت نکال لیا گیا۔
ذرائع کے مطابق حادثہ دریائے کنہار کے کنارے پیش آیا جہاں نوجوان ٹک ٹاک ویڈیوز بنا رہے تھے کہ اسی دوران گاڑی دریا میں جا گری۔ واقع کی اطلاع ملتے ہی تربیت یافتہ رافٹنگ ریسکیو اہلکار موقع پر پہنچ گئے جنہوں نے فوری کارروائی کرتے ہوئے ریسکیو بوٹ کی مدد سے دریا میں پھنسے تمام پانچ نوجوانوں کو بحفاظت باہر نکال لیا۔
ٹک ٹاک کا جنون
عثمان ورک 777 سلطان ورک 777 مشہور ٹک ٹاکر ناران میں خطرناک حادثے کا شکار
ڈالا ڈوب گیا لوگوں کو بچا لیا گیاناران: بروقت ریسکیو کارروائی سے بڑا حادثہ ٹل گیا
الحمدللہ! ناران کے قریب سیاحتی مقام دھم دھمہ میں دریائے کنہار کے کنارے ایک ویگو ڈالا ٹک ٹاک بناتے دریا… pic.twitter.com/O3xckB2vXT
— Pakistan Tourism (@PakistanJannatt) June 30, 2026
واقعے کے بعد سوشل میڈیا پر صارفین کی جانب سے شدید ردِعمل سامنے آیا۔ متعدد صارفین نے نوجوانوں کے غیر ذمہ دارانہ طرزِ عمل پر کڑی تنقید کرتے ہوئے ان کے خلاف قانونی کارروائی اور گرفتاری کا مطالبہ کیا، جبکہ دیگر نے بروقت اور پیشہ ورانہ انداز میں ریسکیو آپریشن انجام دینے والے اہلکاروں کو خراجِ تحسین پیش کیا۔
صارفین کا کہنا تھا کہ ریسکیو ٹیم کی فوری کارروائی اور مہارت کے باعث ایک بڑا سانحہ ٹل گیا اور نوجوانوں کی جانیں بچ گئیں۔
