امریکی صدر ڈونلڈ ٹرمپ نے ایران اور امریکا کے درمیان جاری بالواسطہ مذاکرات میں پیشرفت کو سراہتے ہوئے کہا ہے کہ قطر کے دارالحکومت دوحہ میں ہونے والی ملاقاتیں انتہائی مثبت رہی ہیں۔
مزید پڑھیں: یورپی یونین کی امریکا ایران معاہدے کے لیے پاکستان کے کردار کی تعریف
نارتھ ڈکوٹا روانگی سے قبل صحافیوں سے گفتگو کرتے ہوئے ڈونلڈ ٹرمپ نے کہاکہ ایران کو جوہری ہتھیاروں سے پاک کرنے کے حوالے سے پیشرفت اطمینان بخش انداز میں جاری ہے۔
انہوں نے کہاکہ جہاں تک معاملات کا تعلق ہے، ایران کو جوہری ہتھیاروں سے پاک کرنے کا عمل اچھی طرح آگے بڑھ رہا ہے۔ دوحہ میں بہت اچھی ملاقاتیں ہوئی ہیں، اب دیکھتے ہیں آگے کیا ہوتا ہے۔
امریکی صدر نے دونوں ممالک کے درمیان ہونے والے حالیہ رابطوں کا ذکر کرتے ہوئے کہاکہ ہم نے انہیں بہت سخت نشانہ بنایا، لیکن اب ہمارے تعلقات کافی بہتر انداز میں آگے بڑھ رہے ہیں۔
مزید پڑھیں: امریکا ایران مذاکرات میں اہم پیشرفت، 60 روز میں حتمی امن معاہدے پر اتفاق
واضح رہے کہ ایران اور امریکا کے درمیان یہ بالواسطہ مذاکرات دونوں ممالک کے درمیان حالیہ کشیدگی اور باہمی حملوں کے تبادلے کے بعد تناؤ میں کمی لانے کے مقصد سے کیے جا رہے ہیں۔
