بھارتی شہر بنگلورو کے ایک ڈے کیئر سینٹر میں 2 سے 3 سال کے کم عمر بچوں کے ساتھ مبینہ بدسلوکی کے واقعات سامنے آنے پر شدید تشویش پائی جا رہی ہے۔ پولیس نے 5 خواتین ملازمین کے خلاف مقدمہ درج کر لیا، جبکہ ڈے کیئر سینٹر کو عارضی طور پر بند کر دیا گیا ہے۔
یہ بھی پڑھیں:بھارتی ریاست بہار: ایک سالہ بچے نے کوبرا کو کاٹ لیا، سانپ ہلاک، بچہ بے ہوش
بھارتی میڈیا کے مطابق بنگلورو میں ایک نجی آئی ٹی کمپنی کے کیمپس میں قائم ڈے کیئر سینٹر پر الزام ہے کہ وہاں کم عمر بچوں کو سزا دینے کے لیے واشنگ مشین کے ڈرم میں بٹھایا جاتا تھا، ان کے منہ میں ٹوائلٹ جیٹ اسپرے سے پانی ڈالا جاتا تھا اور رونے پر انہیں باتھ روم میں بند کر دیا جاتا تھا۔
Recent Anganwadi horror: Woman brutally kicks & stomps a small child on the ground like trash. Exposed on social media.
From Delhi Baby Bazaar selling infants, Bengaluru daycare washing machine torture, throat-slitting mothers in Andhra, hot oil torture in Mumbai.
Indian women… pic.twitter.com/TsEEekTG27
— Breaking Beta (@MenMuscleMoney) July 2, 2026
پولیس کے مطابق یہ ڈے کیئر سینٹر کیپ جیمینی کے ایچ اے ایل کیمپس میں قائم تھا۔ واقعے کے بعد 5 خواتین نگہداشت کرنے والی ملازمین کے خلاف مقدمہ درج کر لیا گیا ہے۔
مبینہ تشدد کی ویڈیوز بھی سوشل میڈیا پر وائرل ہو گئی ہیں، جس کے بعد پولیس کے ساتھ ساتھ کرناٹک اسٹیٹ کمیشن فار پروٹیکشن آف چائلڈ رائٹس میں بھی شکایت درج کرائی گئی۔
یہ بھی پڑھیں:بھارت بچہ اسکینڈل، آئی وی ایف کلینک میں بچے کی خرید و فروخت کا انکشاف
واقعے پر بچوں کے والدین میں شدید غم و غصہ پایا جاتا ہے۔ ان کا کہنا ہے کہ وہ ملازمت کے دوران اپنے بچوں کو محفوظ سمجھ کر اس ڈے کیئر سینٹر میں چھوڑتے تھے، لیکن سامنے آنے والے الزامات نے بچوں کی حفاظت پر سنگین سوالات کھڑے کر دیے ہیں۔
Parents trusted a daycare. Their toddlers allegedly endured torture.
Locked inside bathrooms. Allegedly put inside washing machines. Sprayed with water for crying. It's monstrous child abuse at Capgemini's on-campus daycare. pic.twitter.com/6TuKYm7NRE
— Harish Upadhya (@harishupadhya) July 2, 2026
کیپ جیمینی نے اپنے بیان میں کہا ہے کہ ملازمین اور ان کے اہل خانہ کی صحت اور حفاظت کمپنی کی اولین ترجیح ہے۔ کمپنی متعلقہ حکام کے ساتھ مکمل تعاون کر رہی ہے اور احتیاطی اقدام کے طور پر بنگلورو کے اس ڈے کیئر سینٹر کو عارضی طور پر بند کر دیا گیا ہے۔
