بابر اعظم ویسٹ انڈیز اور انگلینڈ کے خلاف ٹیسٹ ٹیم کے کپتان مقرر

پاکستان کرکٹ بورڈ (پی سی بی) کی قومی مردوں کی سلیکشن کمیٹی نے اتوار کو ویسٹ انڈیز اور انگلینڈ کے دوروں کے لیے قومی ٹیسٹ ٹیموں کا اعلان کرتے ہوئے بابر اعظم کو دونوں سیریز کے لیے کپتان مقرر کر دیا۔

ویسٹ انڈیز کے خلاف دو ٹیسٹ میچوں کی سیریز کے لیے 16 رکنی جبکہ انگلینڈ کے خلاف تین ٹیسٹ میچوں کی سیریز کے لیے 17 رکنی اسکواڈ کا اعلان کیا گیا۔

اسکواڈز کا اعلان اتوار کو قذافی اسٹیڈیم لاہور میں پریس کانفرنس کے دوران کیا گیا، جبکہ پاکستان کرکٹ بورڈ نے باضابطہ پریس ریلیز بھی جاری کی۔

یہ بھی پڑھیں: ایک یادگار عہد کا خاتمہ : پاکستان کرکٹ کے مایہ ناز سپرفین ’چاچا کرکٹ‘ نے میدانوں کو الوداع کہہ دیا

پاکستان کی ٹیم 25 جولائی سے 6 اگست تک ویسٹ انڈیز کے خلاف 2 ٹیسٹ میچوں کی سیریز کھیلے گی، جس کے بعد 19 اگست سے 13 ستمبر تک انگلینڈ کے خلاف 3 ٹیسٹ میچوں کی سیریز میں حصہ لے گی۔

پی سی بی کے مطابق بائیں ہاتھ کے اسپنر علی عثمان، دائیں ہاتھ کے بلے باز محمد اویس ظفر، دائیں ہاتھ کے فاسٹ بولر عبید شاہ اور وکٹ کیپر بلے باز محمد غازی غوری کو پہلی مرتبہ قومی ٹیسٹ اسکواڈ میں شامل کیا گیا ہے۔

Q – Was the Test captaincy also offered to Salman Ali Agha?

Aqib Javed said, "The selection committee sat down and discussed the matter. We looked at which player could prove to be the best captain for the Test team. From our side, there was only one recommendation, and that was… pic.twitter.com/qFk3V65UPJ

— Sheri. (@CallMeSheri1_) July 5, 2026

واضح رہے کہ اس سے قبل ذرائع نے دعویٰ کیا تھا کہ بورڈ کے بعض اہم فیصلہ ساز بابر اعظم کو دوبارہ ٹیسٹ کپتان مقرر کرنے یا ٹی20 ٹیم کے کپتان سلمان علی آغا کو ٹیسٹ ٹیم کی قیادت سونپنے کے حق میں نہیں تھے۔

فروری میں بابر اعظم کو ٹی20 ورلڈ کپ میں نمیبیا کے خلاف پاکستان کے آخری گروپ میچ میں سست رفتار بیٹنگ کے باعث بیٹنگ آرڈر میں نیچے بھیجا گیا تھا۔

تاہم اپریل میں انہوں نے پاکستان سپر لیگ میں کوئٹہ گلیڈی ایٹرز کے خلاف صرف 52 گیندوں پر شاندار سینچری اسکور کر کے پشاور زلمی کو فتح دلائی اور بھرپور فارم میں واپسی کی۔

ویسٹ انڈیز کے خلاف 16 رکنی ٹیسٹ اسکواڈ

بابر اعظم (کپتان)، عامر جمال، عبداللہ فضل، علی عثمان، اذان اویس، امام الحق، خرم شہزاد، محمد عباس، محمد علی، محمد رضوان (وکٹ کیپر)، محمد اویس ظفر، محمد غازی غوری (وکٹ کیپر)، ساجد خان، سلمان علی آغا، شان مسعود اور عبید شاہ۔