سوئٹزرلینڈ کے شہر جنیوا میں جاری ’اے آئی فار گڈ‘ گلوبل سمٹ کے دوسرے روز وفاقی وزیر مملکت برائے آئی ٹی شزہ فاطمہ خواجہ نے کہا ہے کہ پاکستان آرٹیفیشل انٹیلیجنس (AI) کے لیے اقوامِ متحدہ کی نگرانی میں ایک جامع عالمی گورننس فریم ورک کی حمایت کرتا ہے۔
اپنے خطاب میں شزہ فاطمہ خواجہ نے کہا کہ موجودہ دور میں سب سے بڑا امتحان مصنوعی ذہانت کی مؤثر گورننس ہے، جبکہ دنیا میں موجود “اے آئی ڈیوائیڈ” کو ختم کرنے کے لیے عالمی برادری کو مشترکہ کوششیں کرنا ہوں گی۔
مزید پڑھیں:انٹرنیٹ کا ستیاناس کیوں کر دیا؟، ’یہ بات آئی ٹی منسٹر شزہ فاطمہ بھی نہیں جانتیں‘
انہوں نے کہا کہ آرٹیفیشل انٹیلیجنس کی ترقی اور اس کی صلاحیتوں سے فائدہ اٹھانا ترقی پذیر ممالک کا بنیادی حق ہے، اس لیے انہیں اس شعبے کے ثمرات سے محروم نہیں رکھا جا سکتا۔
سوئٹزرلینڈ کے شہر جنیوا میں جاری ’اے آئی فار گڈ‘ گلوبل سمٹ کے دوسرے روز وفاقی وزیر مملکت برائے آئی ٹی شزہ فاطمہ خواجہ نے کہا ہے کہ پاکستان آرٹیفیشل انٹیلیجنس (AI) کے لیے اقوامِ متحدہ کی نگرانی میں ایک جامع عالمی گورننس فریم ورک کی حمایت کرتا ہے۔@KulAalam @awaisReporter pic.twitter.com/F1bd0vMuZt
— Media Talk (@mediatalk922) July 7, 2026
وزیرِ آئی ٹی نے کہا کہ پاکستان مصنوعی ذہانت کے میدان میں ایک جامع، منصفانہ اور متوازن عالمی نظام کا خواہاں ہے، جو ترقی پذیر ممالک کی ضروریات اور ترجیحات کو بھی مساوی اہمیت دے۔
شزہ فاطمہ خواجہ نے کہا کہ پاکستان کو “گروپ آف فرینڈز آف گلوبل گورننس” کا بانی رکن ہونے پر فخر ہے اور وہ عالمی سطح پر ایک ایسے نظام کی حمایت کرتا ہے جو زیادہ جامع، نمائندہ اور شمولیتی ہو۔
مزید پڑھیں:انٹرنیٹ بند کیا نہ سست، اسپیڈ وی پی این کے زیادہ استعمال سے متاثر ہوئی، شزہ فاطمہ کا دعویٰ
انہوں نے جنیوا میں سمٹ کے کامیاب انعقاد پر چین، چین کے وزیرِ آئی ٹی اور سفیر جیا گائیڈ کا شکریہ بھی ادا کیا۔
وفاقی وزیر نے عالمی برادری پر زور دیا کہ مصنوعی ذہانت کے شعبے میں ترقی پذیر ممالک کی مؤثر شمولیت یقینی بنائی جائے تاکہ جدید ٹیکنالوجی کے فوائد دنیا کے تمام خطوں تک مساوی طور پر پہنچ سکیں۔
